梨俱吠陀 · 赞歌 7.36

7.36.1

प्र ब्रह्मै॑तु॒ सद॑नादृ॒तस्य॒ वि र॒श्मिभिः॑ ससृजे॒ सूर्यो॒ गाः ।
वि सानु॑ना पृथि॒वी स॑स्र उ॒र्वी पृ॒थु प्रती॑क॒मध्येधे॑ अ॒ग्निः ॥

愿祷词从宇宙秩序（ṛta）的座位上升起。太阳以光线释放牛群。广阔的大地在其峰顶上展开；阿耆尼在宽阔的面容上燃起。

इ॒मां वां॑ मित्रावरुणा सुवृ॒क्तिमिषं॒ न कृ॑ण्वे असुरा॒ नवी॑यः ।
इ॒नो वा॑म॒न्यः प॑द॒वीरद॑ब्धो॒ जनं॑ च मि॒त्रो य॑तति ब्रुवा॒णः ॥

哦，密特拉与伐楼那，我为你们二位作此善颂，如新鲜的食物，哦，诸主。另一位引导你们走过无损的道路，密特拉为言说的人民而努力。

आ वात॑स्य॒ ध्रज॑तो रन्त इ॒त्या अपी॑पयन्त धे॒नवो॒ न सूदाः॑ ।
म॒हो दि॒वः सद॑ने॒ जाय॑मा॒नोऽचि॑क्रदद्वृष॒भः सस्मि॒न्नूध॑न् ॥

随着风的运动，它们奔涌而出；流动的溪水如产乳的母牛般令人满足。生于大天之座的公牛，在此乳房中吼叫。

गि॒रा य ए॒ता यु॒नज॒द्धरी॑ त॒ इन्द्र॑ प्रि॒या सु॒रथा॑ शूर धा॒यू ।
प्र यो म॒न्युं रिरि॑क्षतो मि॒नाति॒ आ सु॒क्रतु॑मर्य॒मणं॑ ववृत्याम् ॥

谁以歌声驾起你那两匹亲爱的、驾车良好的、迅捷的骏马，哦因陀罗，哦英雄！谁摧毁欲害者的愤怒，以及善行与阿利耶曼，愿我赞颂之。

यज॑न्ते अस्य स॒ख्यं वय॑श्च नम॒स्विनः॒ स्व ऋ॒तस्य॒ धाम॑न् ।
वि पृक्षो॑ बाबधे॒ नृभि॒ स्तवा॑न इ॒दं नमो॑ रु॒द्राय॒ प्रेष्ठ॑म् ॥

叩拜者在自己真理的居所中崇敬他的友谊与力量。他冲破障碍；受人赞颂，此礼敬对楼陀罗最为亲爱。

आ यत्सा॒कं य॒शसो॑ वावशा॒नाः सर॑स्वती स॒प्तथी॒ सिन्धु॑माता ।
याः सु॒ष्वय॑न्त सु॒दुघाः॑ सुधा॒रा अ॒भि स्वेन॒ पय॑सा॒ पीप्या॑नाः ॥

当萨拉斯瓦蒂——七分之身、信度之母——与光荣而强劲的水流一同到来时，那易于挤奶的善流便以自身的乳汁盈溢奔涌。

उ॒त त्ये नो॑ म॒रुतो॑ मन्दसा॒ना धियं॑ तो॒कं च॑ वा॒जिनो॑ऽवन्तु ।
मा नः॒ परि॑ ख्य॒दक्ष॑रा॒ चर॑न्ती॒ अवी॑वृध॒न्युज्यं॒ ते र॒यिं नः॑ ॥

愿那些欢喜的玛鲁特保护我们的祈祷、我们的子嗣和强壮的儿子。愿他们在不朽的天空中游行时，不要漠然地转眼看我们；他们为我们增添了相称的财富。

प्र वो॑ म॒हीम॒रम॑तिं कृणुध्वं॒ प्र पू॒षणं॑ विद॒थ्यं॑ न वी॒रम् ।
भगं॑ धि॒यो॑ऽवि॒तारं॑ नो अ॒स्याः सा॒तौ वाजं॑ राति॒षाचं॒ पुरं॑धिम् ॥

宣告伟大的阿罗摩提；宣告如英雄般值得赞颂的普山。宣告祈祷的守护者薄伽，他在赐予时赐给我们食粮与力量，且富于财宝。

अच्छा॒यं वो॑ मरुतः॒ श्लोक॑ एतु॒ अच्छा॒ विष्णुं॑ निषिक्त॒पामवो॑भिः ।
उ॒त प्र॒जायै॑ गृण॒ते वयो॑ धुर्यू॒यं पा॑त स्व॒स्तिभिः॒ सदा॑ नः ॥

啊玛鲁特们，愿此颂歌抵达你们，也抵达被苏摩洒湿、带着守护而来的毗湿奴。他们赐予子嗣与歌者以力量；愿你们以吉祥永远护佑我们。