梨俱吠陀 · 赞歌 7.97

7.97.1

य॒ज्ञे दि॒वो नृ॒षद॑ने पृथि॒व्या नरो॒ यत्र॑ देव॒यवो॒ मद॑न्ति ।
इन्द्रा॑य॒ यत्र॒ सव॑नानि सु॒न्वे गम॒न्मदा॑य प्रथ॒मं वय॑श्च ॥

在祭祀之中，天地的座位之处，渴望诸神的人们欢欣；在那里，我为因陀罗压榨苏摩，愿首先的食物降临，带来欢乐。

आ दैव्या॑ वृणीम॒हेऽवां॑सि॒ बृह॒स्पति॑र्नो मह॒ आ स॑खायः ।
यथा॒ भवे॑म मी॒ळ्हुषे॒ अना॑गा॒ यो नो॑ दा॒ता प॑रा॒वतः॑ पि॒तेव॑ ॥

我们选择神圣的守护；愿伟大的布里哈斯帕蒂成为我们的庇护。朋友们，愿我们在那慷慨者面前无罪，他从远方赐予我们，如同父亲。

तमु॒ ज्येष्ठं॒ नम॑सा ह॒विर्भिः॑ सु॒शेवं॒ ब्रह्म॑ण॒स्पतिं॑ गृणीषे ।
इन्द्रं॒ श्लोको॒ महि॒ दैव्यः॑ सिषक्तु॒ यो ब्रह्म॑णो दे॒वकृ॑तस्य॒ राजा॑ ॥

我以礼敬与祭物赞颂那至上、善意的梵之主。愿伟大的神圣颂歌归于因陀罗，他是梵与诸神所作之事的君王。

स आ नो॒ योनिं॑ सदतु॒ प्रेष्ठो॒ बृह॒स्पति॑र्वि॒श्ववा॑रो॒ यो अस्ति॑ ।
कामो॑ रा॒यः सु॒वीर्य॑स्य॒ तं दा॒त्पर्ष॑न्नो॒ अति॑ स॒श्चतो॒ अरि॑ष्टान् ॥

愿那最亲爱、拥有一切财富的布里哈斯帕蒂来到我们的座位。他渴望财富与良好的勇力，愿他赐予我们；愿他使我们渡过追逐者，毫发无伤。

तमा नो॑ अ॒र्कम॒मृता॑य॒ जुष्ट॑मि॒मे धा॑सुर॒मृता॑सः पुरा॒जाः ।
शुचि॑क्रन्दं यज॒तं प॒स्त्या॑नां॒ बृह॒स्पति॑मन॒र्वाणं॑ हुवेम ॥

愿我们为自己歌唱那为不朽而珍爱的赞歌，那是古老的不死者所确立的。让我们呼唤布里哈斯帕蒂——那咆哮者、可敬者，在守护者中无与伦比者。

तं श॒ग्मासो॑ अरु॒षासो॒ अश्वा॒ बृह॒स्पतिं॑ सह॒वाहो॑ वहन्ति ।
सह॑श्चि॒द्यस्य॒ नील॑वत्स॒धस्थं॒ नभो॒ न रू॒पम॑रु॒षं वसा॑नाः ॥

欢悦的赤色骏马共同载着布里哈斯帕蒂。他的力量也如蓝色的天空居所；他披着赤红的形体而闪耀。

स हि शुचिः॑ श॒तप॑त्रः॒ स शु॒न्ध्युर्हिर॑ण्यवाशीरिषि॒रः स्व॒र्षाः ।
बृह॒स्पतिः॒ स स्वा॑वे॒श ऋ॒ष्वः पु॒रू सखि॑भ्य आसु॒तिं करि॑ष्ठः ॥

他确实是光明者、百翼者、净化者、身披金衣者、迅捷者，赢得天光者。他是布里哈斯帕蒂，召请美好而有力，最善于为朋友奉献苏摩祭品。

दे॒वी दे॒वस्य॒ रोद॑सी॒ जनि॑त्री॒ बृह॒स्पतिं॑ वावृधतुर्महि॒त्वा ।
द॒क्षाय्या॑य दक्षता सखायः॒ कर॒द्ब्रह्म॑णे सु॒तरा॑ सुगा॒धा ॥

神的两位神圣的世界之母，以其伟大抬高了布里哈斯帕蒂。众友啊，为那值得尊崇者而善巧；愿他为神圣的祈祷开辟更好、易于通行的道路。

इ॒यं वां॑ ब्रह्मणस्पते सुवृ॒क्तिर्ब्रह्मेन्द्रा॑य व॒ज्रिणे॑ अकारि ।
अ॒वि॒ष्टं धियो॑ जिगृ॒तं पुरं॑धीर्जज॒स्तम॒र्यो व॒नुषा॒मरा॑तीः ॥

此美好的颂歌是为你们二位而作，祈祷之主啊，也为执雷霆的因陀罗而作。激发我们的思想，唤醒智者，制服胜利者的敌人，驱逐怀有敌意的人。

बृह॑स्पते यु॒वमिन्द्र॑श्च॒ वस्वो॑ दि॒व्यस्ये॑शाथे उ॒त पार्थि॑वस्य ।
ध॒त्तं र॒यिं स्तु॑व॒ते की॒रये॑ चिद्यू॒यं पा॑त स्व॒स्तिभिः॒ सदा॑ नः ॥

布里哈斯帕蒂啊，你们二位与因陀罗，是财富、天界与地上之物的主宰。请赐财富给赞颂者和诗人基拉亚；愿你们众神以吉祥之福时常护佑我们。