梨俱吠陀 · 赞歌 1.15

1.15.1

इन्द्र॒ सोमं॒ पिब॑ ऋ॒तुना त्वा॑ विश॒न्त्विन्द॑वः ।
म॒त्स॒रास॒स्तदो॑कसः ॥

因陀罗啊，应时饮用苏摩吧；与你同居一处的欢悦之滴，愿它们进入你的体内。

मरु॑तः॒ पिब॑त ऋ॒तुना॑ पो॒त्राद्य॒ज्ञं पु॑नीतन ।
यू॒यं हि ष्ठा सु॑दानवः ॥

摩如多们啊，应时从滤器中饮用，并净化祭祀吧；你们本是善于施予的人。

अ॒भि य॒ज्ञं गृ॑णीहि नो॒ ग्नावो॒ नेष्टः॒ पिब॑ ऋ॒तुना॑ ।
त्वं हि र॑त्न॒धा असि॑ ॥

为我们赞颂祭祀吧，歌咏之主、领袖啊；应时饮用吧，你本是赐予宝藏的主。

अग्ने॑ दे॒वाँ इ॒हा व॑ह सा॒दया॒ योनि॑षु त्रि॒षु ।
परि॑ भूष॒ पिब॑ ऋ॒तुना॑ ॥

阿耆尼啊，把诸神请到这里来；让他们坐在三个座位上；环绕着为他们增添光彩；应时饮用吧。

ब्राह्म॑णादिन्द्र॒ राध॑सः॒ पिबा॒ सोम॑मृ॒तूँरनु॑ ।
तवेद्धि स॒ख्यमस्तृ॑तम् ॥

因陀罗啊，从婆罗门的供献中，依季节次序饮用苏摩吧；你的友谊坚固不破。

यु॒वं दक्षं॑ धृतव्रत॒ मित्रा॑वरुण दू॒ळभ॑म् ।
ऋ॒तुना॑ य॒ज्ञमा॑शाथे ॥

持守誓愿的弥陀罗与伐楼那啊，你们二位应时把摧毁敌人的力量带到祭祀中。

द्र॒वि॒णो॒दा द्रवि॑णसो॒ ग्राव॑हस्तासो अध्व॒रे ।
य॒ज्ञेषु॑ दे॒वमी॑ळते ॥

赐予财富者，手持石头的祭司在仪式中于祭祀里赞颂神明。

द्र॒वि॒णो॒दा द॑दातु नो॒ वसू॑नि॒ यानि॑ शृण्वि॒रे ।
दे॒वेषु॒ ता व॑नामहे ॥

愿赐予财富者把那些闻名的财宝赐给我们；我们在诸神之中获得它们。

द्र॒वि॒णो॒दाः पि॑पीषति जु॒होत॒ प्र च॑ तिष्ठत ।
ने॒ष्ट्रादृ॒तुभि॑रिष्यत ॥

赐予财富者渴望饮用；你们献上祭品，向前站立。从神官（涅什特里）之位，随着四季被送出。

यत्त्वा॑ तु॒रीय॑मृ॒तुभि॒र्द्रवि॑णोदो॒ यजा॑महे ।
अध॑ स्मा नो द॒दिर्भ॑व ॥

啊，赐予财富者！当我们以四季为第四份供品敬奉你时，愿你真正成为我们的施予者。

अश्वि॑ना॒ पिब॑तं॒ मधु॒ दीद्य॑ग्नी शुचिव्रता ।
ऋ॒तुना॑ यज्ञवाहसा ॥

啊，双马童！请饮蜜；啊，光明的火神，持纯洁誓愿者，偕同四季，啊，承载祭祀者。

गार्ह॑पत्येन सन्त्य ऋ॒तुना॑ यज्ञ॒नीर॑सि ।
दे॒वान्दे॑वय॒ते य॑ज ॥

啊，善者！你与家火、与四季同在，是祭祀的主持者；为寻求神明的施主，请祭祀诸神。