リグ・ヴェーダ · スークタ 1.185

1.185.1

क॒त॒रा पूर्वा॑ कत॒राप॑रा॒योः क॒था जा॒ते क॑वयः॒ को वि वे॑द ।
विश्वं॒ त्मना॑ बिभृतो॒ यद्ध॒ नाम॒ वि व॑र्तेते॒ अह॑नी च॒क्रिये॑व ॥

二つのうちどちらが先に生まれ、どちらが後か。賢者たちよ、誰がそれを真に知っているのか。自らによって世界を支え、名を持つ二つは、昼と夜として車輪のように回る。

भूरिं॒ द्वे अच॑रन्ती॒ चर॑न्तं प॒द्वन्तं॒ गर्भ॑म॒पदी॑ दधाते ।
नित्यं॒ न सू॒नुं पि॒त्रोरु॒पस्थे॒ द्यावा॒ रक्ष॑तं पृथिवी नो॒ अभ्वा॑त् ॥

その二つは、多くの動き歩くものを、足ある胎児を、自らは足なくして抱いている。息子が常に父母の膝にあるように、ああディヤーヴァー、われらを守りたまえ。ああプリティヴィー、滅ぼす者からわれらを守りたまえ。

अ॒ने॒हो दा॒त्रमदि॑तेरन॒र्वं हु॒वे स्व॑र्वदव॒धं नम॑स्वत् ।
तद्रो॑दसी जनयतं जरि॒त्रे द्यावा॒ रक्ष॑तं पृथिवी नो॒ अभ्वा॑त् ॥

アディティの罪なく、征服されず、輝き、傷つかず、謙虚なる恵みを私は呼び求める。ああ両ロダシーよ、歌い手のためにそれを生み出せ。ああディヤーヴァー、われらを守りたまえ。ああプリティヴィー、滅ぼす者からわれらを守りたまえ。

अत॑प्यमाने॒ अव॒साव॑न्ती॒ अनु॑ ष्याम॒ रोद॑सी दे॒वपु॑त्रे ।
उ॒भे दे॒वाना॑मु॒भये॑भि॒रह्नां॒ द्यावा॒ रक्ष॑तं पृथिवी नो॒ अभ्वा॑त् ॥

焼かれず、守られ、神々を子とする両ロダシーに続く者となれ。神々の両日とともに、ああディヤーヴァー、われらを守りたまえ。ああプリティヴィー、滅ぼす者からわれらを守りたまえ。

सं॒गच्छ॑माने युव॒ती सम॑न्ते॒ स्वसा॑रा जा॒मी पि॒त्रोरु॒पस्थे॑ ।
अ॒भि॒जिघ्र॑न्ती॒ भुव॑नस्य॒ नाभिं॒ द्यावा॒ रक्ष॑तं पृथिवी नो॒ अभ्वा॑त् ॥

出会い、若く、隣り合い、姉妹にして同族の二つは、両親の膝の上で、世界の臍を嗅ぎ抱きしめる。ああディヤーヴァー、われらを守りたまえ。ああプリティヴィー、滅ぼす者からわれらを守りたまえ。

उ॒र्वी सद्म॑नी बृह॒ती ऋ॒तेन॑ हु॒वे दे॒वाना॒मव॑सा॒ जनि॑त्री ।
द॒धाते॒ ये अ॒मृतं॑ सु॒प्रती॑के॒ द्यावा॒ रक्ष॑तं पृथिवी नो॒ अभ्वा॑त् ॥

秩序によって広大な住まいをもつ二つを、神々の母として守りとともに呼び求める。不死を保ち、美しい顔をもつ二つよ。ああディヤーヴァー、われらを守りたまえ。ああプリティヴィー、滅ぼす者からわれらを守りたまえ。

उ॒र्वी पृ॒थ्वी ब॑हु॒ले दू॒रेअ॑न्ते॒ उप॑ ब्रुवे॒ नम॑सा य॒ज्ञे अ॒स्मिन् ।
द॒धाते॒ ये सु॒भगे॑ सु॒प्रतू॑र्ती॒ द्यावा॒ रक्ष॑तं पृथिवी नो॒ अभ्वा॑त् ॥

この供犠において、広く、大きく、豊かで、遠くまで広がる天と地に礼拝して呼びかけます。ああ、吉祥にして、容易に渡れる道を設ける天と地よ、害から私たちを守りたまえ。

दे॒वान्वा॒ यच्च॑कृ॒मा कच्चि॒दागः॒ सखा॑यं वा॒ सद॒मिज्जास्प॑तिं वा ।
इ॒यं धीर्भू॑या अव॒यान॑मेषां॒ द्यावा॒ रक्ष॑तं पृथिवी नो॒ अभ्वा॑त् ॥

私たちが神々に、あるいは友に、あるいは生類の主に、何かの過ちを犯したなら、この私たちの思いがそれからの解放となりますように。ああ天と地よ、害から私たちを守りたまえ。

उ॒भा शंसा॒ नर्या॒ माम॑विष्टामु॒भे मामू॒ती अव॑सा सचेताम् ।
भूरि॑ चिद॒र्यः सु॒दास्त॑राये॒षा मद॑न्त इषयेम देवाः ॥

二つの賛歌と二人の導き手が私を守りますように。二者が助けをもって私に結ばれますように。多くを与える主の見事な施しによって、ああ神々よ、私たちが食物に喜び、幸福を享受しますように。

ऋ॒तं दि॒वे तद॑वोचं पृथि॒व्यै अ॑भिश्रा॒वाय॑ प्रथ॒मं सु॑मे॒धाः ।
पा॒ताम॑व॒द्याद्दु॑रि॒ताद॒भीके॑ पि॒ता मा॒ता च॑ रक्षता॒मवो॑भिः ॥

天と地のために、私は真理を初めて宣言した、賢明にも告げるために。父と母よ、私たちの近くにいて、助けによって悪と罪から守りたまえ。

इ॒दं द्या॑वापृथिवी स॒त्यम॑स्तु॒ पित॒र्मात॒र्यदि॒होप॑ब्रु॒वे वा॑म् ।
भू॒तं दे॒वाना॑मव॒मे अवो॑भिर्वि॒द्यामे॒षं वृ॒जनं॑ जी॒रदा॑नुम् ॥

ああ天と地よ、これが真実でありますように。ああ父よ、ああ母よ、ここであなたがたに申し上げることが真実でありますように。神々の低い所に助けをもって住まい、私たちが食物と力、強い顎をもち敵を制する富を得られますように。