梨俱吠陀 · 赞歌 1.185

1.185.1

क॒त॒रा पूर्वा॑ कत॒राप॑रा॒योः क॒था जा॒ते क॑वयः॒ को वि वे॑द ।
विश्वं॒ त्मना॑ बिभृतो॒ यद्ध॒ नाम॒ वि व॑र्तेते॒ अह॑नी च॒क्रिये॑व ॥

二者之中哪一个先生，哪一个后生？诸位智者，谁真正知道这事？那以自身承载万物、各有其名的二者，昼与夜如车轮般轮转。

भूरिं॒ द्वे अच॑रन्ती॒ चर॑न्तं प॒द्वन्तं॒ गर्भ॑म॒पदी॑ दधाते ।
नित्यं॒ न सू॒नुं पि॒त्रोरु॒पस्थे॒ द्यावा॒ रक्ष॑तं पृथिवी नो॒ अभ्वा॑त् ॥

二者承载着众多动与行的生灵，承载着有足的胎儿，自身却无足。如子永远安卧于父母膝上，哦天，请护佑我们；哦地，请护我们免于毁灭。

अ॒ने॒हो दा॒त्रमदि॑तेरन॒र्वं हु॒वे स्व॑र्वदव॒धं नम॑स्वत् ।
तद्रो॑दसी जनयतं जरि॒त्रे द्यावा॒ रक्ष॑तं पृथिवी नो॒ अभ्वा॑त् ॥

我呼唤阿底提那无罪、不可战胜、光明、无损、恭敬的恩赐。哦二位罗陀斯，为歌者生出它。哦天，请护佑我们；哦地，请护我们免于毁灭。

अत॑प्यमाने॒ अव॒साव॑न्ती॒ अनु॑ ष्याम॒ रोद॑सी दे॒वपु॑त्रे ।
उ॒भे दे॒वाना॑मु॒भये॑भि॒रह्नां॒ द्यावा॒ रक्ष॑तं पृथिवी नो॒ अभ्वा॑त् ॥

愿我们追随那不灼热、受护佑、以诸神为子的罗陀斯。以诸神的两日，哦天，请护佑我们；哦地，请护我们免于毁灭。

सं॒गच्छ॑माने युव॒ती सम॑न्ते॒ स्वसा॑रा जा॒मी पि॒त्रोरु॒पस्थे॑ ।
अ॒भि॒जिघ्र॑न्ती॒ भुव॑नस्य॒ नाभिं॒ द्यावा॒ रक्ष॑तं पृथिवी नो॒ अभ्वा॑त् ॥

那二者相会，年轻、相邻，如姊妹与亲族，安坐于父母膝上，嗅闻并拥抱世界的脐。哦天，请护佑我们；哦地，请护我们免于毁灭。

उ॒र्वी सद्म॑नी बृह॒ती ऋ॒तेन॑ हु॒वे दे॒वाना॒मव॑सा॒ जनि॑त्री ।
द॒धाते॒ ये अ॒मृतं॑ सु॒प्रती॑के॒ द्यावा॒ रक्ष॑तं पृथिवी नो॒ अभ्वा॑त् ॥

依宇宙秩序而有宽广的居所；我以护佑呼唤诸神的生育者，她们持有不死，二者皆面容美好。哦天，请护佑我们；哦地，请护我们免于毁灭。

उ॒र्वी पृ॒थ्वी ब॑हु॒ले दू॒रेअ॑न्ते॒ उप॑ ब्रुवे॒ नम॑सा य॒ज्ञे अ॒स्मिन् ।
द॒धाते॒ ये सु॒भगे॑ सु॒प्रतू॑र्ती॒ द्यावा॒ रक्ष॑तं पृथिवी नो॒ अभ्वा॑त् ॥

在此祭祀中，我以敬礼呼唤广大、宽阔、丰饶、远延的天与地。哦，吉祥者，开辟易行之路的天与地，请保护我们免受伤害。

दे॒वान्वा॒ यच्च॑कृ॒मा कच्चि॒दागः॒ सखा॑यं वा॒ सद॒मिज्जास्प॑तिं वा ।
इ॒यं धीर्भू॑या अव॒यान॑मेषां॒ द्यावा॒ रक्ष॑तं पृथिवी नो॒ अभ्वा॑त् ॥

无论我们对诸神、对朋友或对众生之主犯了何过，愿我们这份心意使我们从中解脱。哦，天与地，请保护我们免受伤害。

उ॒भा शंसा॒ नर्या॒ माम॑विष्टामु॒भे मामू॒ती अव॑सा सचेताम् ।
भूरि॑ चिद॒र्यः सु॒दास्त॑राये॒षा मद॑न्त इषयेम देवाः ॥

愿两位赞颂与两位领袖护佑我；愿二者以其助力与我相连。凭着多施之主的殊胜赐予，哦诸神，愿我们因食物而欢喜，享受安乐。

ऋ॒तं दि॒वे तद॑वोचं पृथि॒व्यै अ॑भिश्रा॒वाय॑ प्रथ॒मं सु॑मे॒धाः ।
पा॒ताम॑व॒द्याद्दु॑रि॒ताद॒भीके॑ पि॒ता मा॒ता च॑ रक्षता॒मवो॑भिः ॥

为天与地，我首先宣说真理，以智慧宣告。愿父与母近我们而立，以其助佑保护我们脱离恶与罪。

इ॒दं द्या॑वापृथिवी स॒त्यम॑स्तु॒ पित॒र्मात॒र्यदि॒होप॑ब्रु॒वे वा॑म् ।
भू॒तं दे॒वाना॑मव॒मे अवो॑भिर्वि॒द्यामे॒षं वृ॒जनं॑ जी॒रदा॑नुम् ॥

哦天与地，愿此为真。哦父，哦母，愿我在此对你们所说为真。请以助佑居于诸神之下界，使我们获得食物与力量，获得那坚齿、降伏敌人者的财富。