梨俱吠陀 · 赞歌 1.89

1.89.1

आ नो॑ भ॒द्राः क्रत॑वो यन्तु वि॒श्वतोऽद॑ब्धासो॒ अप॑रीतास उ॒द्भिदः॑ ।
दे॒वा नो॒ यथा॒ सद॒मिद्वृ॒धे अस॒न्नप्रा॑युवो रक्षि॒तारो॑ दि॒वेदि॑वे ॥

愿吉祥的思想从四面八方来到我们这里，不被欺骗，不受阻碍，升起而来。愿诸神始终为我们的增长而在，作为不老的护卫，日复一日。

दे॒वानां॑ भ॒द्रा सु॑म॒तिर्ऋ॑जूय॒तां दे॒वानां॑ रा॒तिर॒भि नो॒ नि व॑र्तताम् ।
दे॒वानां॑ स॒ख्यमुप॑ सेदिमा व॒यं दे॒वा न॒ आयुः॒ प्र ति॑रन्तु जी॒वसे॑ ॥

愿诸神的吉祥善意，赐予寻求正直者，诸神的恩赐转向我们。我们已坐在诸神的友谊近旁；诸神啊，延长我们的寿命，使我们得以生存。

तान्पूर्व॑या नि॒विदा॑ हूमहे व॒यं भगं॑ मि॒त्रमदि॑तिं॒ दक्ष॑म॒स्रिध॑म् ।
अ॒र्य॒मणं॒ वरु॑णं॒ सोम॑म॒श्विना॒ सर॑स्वती नः सु॒भगा॒ मय॑स्करत् ॥

我们以古老的呼唤召请他们：婆伽、密特拉、阿底提、达刹，不受伤害者；阿利耶曼、伐楼那、苏摩、双马童。愿萨罗室伐蒂为我们带来吉祥的福运与喜乐。

तन्नो॒ वातो॑ मयो॒भु वा॑तु भेष॒जं तन्मा॒ता पृ॑थि॒वी तत्पि॒ता द्यौः ।
तद्ग्रावा॑णः सोम॒सुतो॑ मयो॒भुव॒स्तद॑श्विना शृणुतं धिष्ण्या यु॒वम् ॥

愿带来安乐的风为我们吹来那良药；愿母亲大地与父亲天空也赐予它。愿榨取苏摩、带来安乐的石头也赐予它；双马童、住所之神，愿你们二位听取。

तमीशा॑नं॒ जग॑तस्त॒स्थुष॒स्पतिं॑ धियंजि॒न्वमव॑से हूमहे व॒यम् ।
पू॒षा नो॒ यथा॒ वेद॑सा॒मस॑द्वृ॒धे र॑क्षि॒ता पा॒युरद॑ब्धः स्व॒स्तये॑ ॥

我们为保护而召请他，他是动者与静者的主宰，启发思想的神。愿普山为我们增长知识，作为不受伤害的护卫与守护者，以求安康。

स्व॒स्ति न॒ इन्द्रो॑ वृ॒द्धश्र॑वाः स्व॒स्ति नः॑ पू॒षा वि॒श्ववे॑दाः ।
स्व॒स्ति न॒स्तार्क्ष्यो॒ अरि॑ष्टनेमिः स्व॒स्ति नो॒ बृह॒स्पति॑र्दधातु ॥

愿声名远播的因陀罗赐予我们安康；愿全知的普山赐予我们安康。愿车轮无损的塔克什亚赐予我们安康；愿梵主赐予我们安康。

पृष॑दश्वा म॒रुतः॒ पृश्नि॑मातरः शुभं॒यावा॑नो वि॒दथे॑षु॒ जग्म॑यः ।
अ॒ग्नि॒जि॒ह्वा मन॑वः॒ सूर॑चक्षसो॒ विश्वे॑ नो दे॒वा अव॒सा ग॑मन्नि॒ह ॥

斑马之摩录多神，斑牛之子，光辉而来，赴祭祀的竞赛，以火为舌，日眼的人们——愿诸神以其助力来到我们这里。

भ॒द्रं कर्णे॑भिः शृणुयाम देवा भ॒द्रं प॑श्येमा॒क्षभि॑र्यजत्राः ।
स्थि॒रैरङ्गै॑स्तुष्टु॒वांस॑स्त॒नूभि॒र्व्य॑शेम दे॒वहि॑तं॒ यदायुः॑ ॥

诸神啊，愿我们以耳听到吉祥之事；值得祭祀的诸神啊，愿我们以目见到吉祥之事；以坚固的肢体与身体赞颂，愿我们获得诸神所喜爱的那寿命。

श॒तमिन्नु श॒रदो॒ अन्ति॑ देवा॒ यत्रा॑ नश्च॒क्रा ज॒रसं॑ त॒नूना॑म् ।
पु॒त्रासो॒ यत्र॑ पि॒तरो॒ भव॑न्ति॒ मा नो॑ म॒ध्या री॑रिष॒तायु॒र्गन्तोः॑ ॥

诸神啊，你们既将我们的身体引至衰老，愿确有百个秋天；儿子与父亲共在之处，在生命的中途不要伤害我们，直到生命之路走完。

अदि॑ति॒र्द्यौरदि॑तिर॒न्तरि॑क्ष॒मदि॑तिर्मा॒ता स पि॒ता स पु॒त्रः ।
विश्वे॑ दे॒वा अदि॑तिः॒ पञ्च॒ जना॒ अदि॑तिर्जा॒तमदि॑ति॒र्जनि॑त्वम् ॥

阿底提是天，阿底提是虚空；阿底提是母，她亦是父，她亦是子。诸神皆是阿底提，五族皆是阿底提；已生者是阿底提，将生者亦是阿底提。