梨俱吠陀 · 赞歌 10.101

10.101.1

उद्बु॑ध्यध्वं॒ सम॑नसः सखायः॒ सम॒ग्निमि॑न्ध्वं ब॒हवः॒ सनी॑ळाः ।
द॒धि॒क्राम॒ग्निमु॒षसं॑ च दे॒वीमिन्द्रा॑व॒तोऽव॑से॒ नि ह्व॑ये वः ॥

同心的朋友们，醒来吧；你们众多同族之人，一起点燃阿耆尼。为了因陀罗们的帮助，我在此召唤你们，召唤达迪克罗、阿耆尼和女神乌莎斯。

म॒न्द्रा कृ॑णुध्वं॒ धिय॒ आ त॑नुध्वं॒ नाव॑मरित्र॒पर॑णीं कृणुध्वम् ।
इष्कृ॑णुध्व॒मायु॒धारं॑ कृणुध्वं॒ प्राञ्चं॑ य॒ज्ञं प्र ण॑यता सखायः ॥

作出令人喜悦的赞歌，高举祷告；准备那能渡过不可束缚之水的船。准备武器，制作尖刺；朋友们，引导向前行进的祭祀前行。

यु॒नक्त॒ सीरा॒ वि यु॒गा त॑नुध्वं कृ॒ते योनौ॑ वपते॒ह बीज॑म् ।
गि॒रा च॑ श्रु॒ष्टिः सभ॑रा॒ अस॑न्नो॒ नेदी॑य॒ इत्सृ॒ण्यः॑ प॒क्वमेया॑त् ॥

套上犁，将轭分开；在这已备好的田地中播下种子。愿收割与歌声相连，愿成熟的谷物近前来到我们这里。

सीरा॑ युञ्जन्ति क॒वयो॑ यु॒गा वि त॑न्वते॒ पृथ॑क् ।
धीरा॑ दे॒वेषु॑ सुम्न॒या ॥

智慧的诗人套上犁，分开轭；睿智之人在诸神之中以恩典这样做。

निरा॑हा॒वान्कृ॑णोतन॒ सं व॑र॒त्रा द॑धातन ।
सि॒ञ्चाम॑हा अव॒तमु॒द्रिणं॑ व॒यं सु॒षेक॒मनु॑पक्षितम् ॥

取出器皿，将绳索系在一起；让我们洒水于深井与泉源——那不竭、得以充分灌溉的水。

इष्कृ॑ताहावमव॒तं सु॑वर॒त्रं सु॑षेच॒नम् ।
उ॒द्रिणं॑ सिञ्चे॒ अक्षि॑तम् ॥

洒水于备有器皿的深井，那妥善相系、充分灌溉的泉源——那不竭之水。

प्री॒णी॒ताश्वा॑न्हि॒तं ज॑याथ स्वस्ति॒वाहं॒ रथ॒मित्कृ॑णुध्वम् ।
द्रोणा॑हावमव॒तमश्म॑चक्र॒मंस॑त्रकोशं सिञ्चता नृ॒पाण॑म् ॥

祭司们，取悦骏马而获胜；只备那带来吉祥的战车。装满木制的德罗纳器、下杯、石轮与肩套；洒浇人类的护卫者。

व्र॒जं कृ॑णुध्वं॒ स हि वो॑ नृ॒पाणो॒ वर्म॑ सीव्यध्वं बहु॒ला पृ॒थूनि॑ ।
पुरः॑ कृणुध्व॒माय॑सी॒रधृ॑ष्टा॒ मा वः॑ सुस्रोच्चम॒सो दृंह॑ता॒ तम् ॥

开辟道路；愿那人类的护卫为你们缝制许多宽阔的甲胄。建造坚不可摧的铁制堡垒；使你们的器皿坚固，免得倾洒。

आ वो॒ धियं॑ य॒ज्ञियां॑ वर्त ऊ॒तये॒ देवा॑ दे॒वीं य॑ज॒तां य॒ज्ञिया॑मि॒ह ।
सा नो॑ दुहीय॒द्यव॑सेव ग॒त्वी स॒हस्र॑धारा॒ पय॑सा म॒ही गौः ॥

在此我将你们值得祭祀的赞颂转向护佑；诸神啊，请将这位可敬、值得祭祀的女神引到此处。愿她前来，如草一般为我们挤出乳汁：那千流之大牛，满溢乳汁。

आ तू षि॑ञ्च॒ हरि॑मी॒ं द्रोरु॒पस्थे॒ वाशी॑भिस्तक्षताश्म॒न्मयी॑भिः ।
परि॑ ष्वजध्वं॒ दश॑ क॒क्ष्या॑भिरु॒भे धुरौ॒ प्रति॒ वह्निं॑ युनक्त ॥

上前，在木制的座位上洒浇那枣红的骏马；用斧头和石凿把他雕琢成形。用十根缰绳将他从四面环抱；把战车系于两根车轴，使驾辕之马与车辕相连。

उ॒भे धुरौ॒ वह्नि॑रा॒पिब्द॑मानो अ॒न्तर्योने॑व चरति द्वि॒जानिः॑ ।
वन॒स्पतिं॒ वन॒ आस्था॑पयध्वं॒ नि षू द॑धिध्व॒मख॑नन्त॒ उत्स॑म् ॥

在两根车轴之上，承载祭品的火一边饮用，一边如在胎中般行于中央；他是再生者。你们在林中立起了树木之主；掘开泉源，使之稳固。

कपृ॑न्नरः कपृ॒थमुद्द॑धातन चो॒दय॑त खु॒दत॒ वाज॑सातये ।
नि॒ष्टि॒ग्र्यः॑ पु॒त्रमा च्या॑वयो॒तय॒ इन्द्रं॑ स॒बाध॑ इ॒ह सोम॑पीतये ॥

诸位男子，高举那奇迹；唤醒并激发那奇迹，以赢得战利品；推举那持囊者之子向前。为求援助，偕同伴侣把因陀罗请来此处饮用苏摩。