リグ・ヴェーダ · スークタ 2.39

2.39.1

ग्रावा॑णेव॒ तदिदर्थं॑ जरेथे॒ गृध्रे॑व वृ॒क्षं नि॑धि॒मन्त॒मच्छ॑ ।
ब्र॒ह्माणे॑व वि॒दथ॑ उक्थ॒शासा॑ दू॒तेव॒ हव्या॒ जन्या॑ पुरु॒त्रा ॥

あなた方二人は挽き臼の石のように同じ目的のために働き、宝を持つ木へ向かう禿鷹のようです。二人のブラフマン祭官、二人の讃歌誦唱者、二人の使者のように、呼ばれるべき者、多様に生まれた者です。

प्रा॒त॒र्यावा॑णा र॒थ्ये॑व वी॒राजेव॑ य॒मा वर॒मा स॑चेथे ।
मेने॑ इव त॒न्वा॑ शुम्भ॑माने॒ दम्प॑तीव क्रतु॒विदा॒ जने॑षु ॥

あなた方二人は夜明けに来られ、御者のように、勇士のように、山羊のように、双子として恵みを受け取ります。身体は輝き、妻たちのように、夫婦のように、人々の中で意図を知る者です。

शृङ्गे॑व नः प्रथ॒मा ग॑न्तम॒र्वाक्श॒फावि॑व॒ जर्भु॑राणा॒ तरो॑भिः ।
च॒क्र॒वा॒केव॒ प्रति॒ वस्तो॑रुस्रा॒र्वाञ्चा॑ यातं र॒थ्ये॑व शक्रा ॥

あなた方二人は角のように最初に私たちのもとへ来てください。蹄のように震えながら、家へ向かうチャクラヴァーカ鳥のように。おおウスラよ、ここへ来てください。御者のように、力ある方々よ、来てください。

ना॒वेव॑ नः पारयतं यु॒गेव॒ नभ्ये॑व न उप॒धीव॑ प्र॒धीव॑ ।
श्वाने॑व नो॒ अरि॑षण्या त॒नूनां॒ खृग॑लेव वि॒स्रसः॑ पातम॒स्मान् ॥

舟のように私たちを渡してください。軛のように、車軸のように、私たちの支えとなって。犬のように、傷つかぬ私たちの身体を。車輪の輻のように、私たちが倒れぬよう守ってください。守り、見守ってください。

वाते॑वाजु॒र्या न॒द्ये॑व री॒तिर॒क्षी इ॑व॒ चक्षु॒षा या॑तम॒र्वाक् ।
हस्ता॑विव त॒न्वे॑ शम्भ॑विष्ठा॒ पादे॑व नो नयतं॒ वस्यो॒ अच्छ॑ ॥

風のように老いることなく、川のように流れて。目のように見える力をもって、あなた方二人は私たちのもとへ来てください。身体にとっての手のように、最も吉祥にして。足のように、私たちを望ましいものへと導いてください。

ओष्ठा॑विव॒ मध्वा॒स्ने वद॑न्ता॒ स्तना॑विव पिप्यतं जी॒वसे॑ नः ।
नासे॑व नस्त॒न्वो॑ रक्षि॒तारा॒ कर्णा॑विव सु॒श्रुता॑ भूतम॒स्मे ॥

蜜のための口の二つの唇のように語りながら。命のための二つの乳房のように私たちを養い育ててください。身体の守り手である鼻孔のように。よく聞く耳のように、私たちのために在ってください、あなた方二人よ。

हस्ते॑व श॒क्तिम॒भि सं॑द॒दी नः॒ क्षामे॑व नः॒ सम॑जतं॒ रजां॑सि ।
इ॒मा गिरो॑ अश्विना युष्म॒यन्तीः॒ क्ष्णोत्रे॑णेव॒ स्वधि॑तिं॒ सं शि॑शीतम् ॥

両手のように力を私たちのために確かに握り、職人のように天地を共に動かしてください。アシュヴィン神よ、あなたがたに向かうこれらの讃歌を、鑿で斧を研ぐように共に研ぎ澄ませてください。

ए॒तानि॑ वामश्विना॒ वर्ध॑नानि॒ ब्रह्म॒ स्तोमं॑ गृत्सम॒दासो॑ अक्रन् ।
तानि॑ नरा जुजुषा॒णोप॑ यातं बृ॒हद्व॑देम वि॒दथे॑ सु॒वीराः॑ ॥

アシュヴィン神よ、グリツァマダの仙人たちがあなたがたのために、この繁栄をもたらす讃歌、聖なる祈祷、そして賛歌を作りました。人々よ、喜んでそれらを受け取り、私たちのもとへ来てください。勇敢な息子に恵まれた私たちが、集会で偉大な言葉を語れるように。