梨俱吠陀 · 赞歌 5.30
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.30.1
क्व॑ स्य वी॒रः को अ॑पश्य॒दिन्द्रं॑ सु॒खर॑थ॒मीय॑मानं॒ हरि॑भ्याम् ।
यो रा॒या व॒ज्री सु॒तसो॑ममि॒च्छन्तदोको॒ गन्ता॑ पुरुहू॒त ऊ॒ती ॥
那见过由两匹栗色马驾驶、车轮轻快的因陀罗的英雄在哪里？手持金刚杵者带着财富，渴望压榨的苏摩，将前往那座房屋；被多次呼唤的因陀罗将前来相助。
5.30.2
अवा॑चचक्षं प॒दम॑स्य स॒स्वरु॒ग्रं नि॑धा॒तुरन्वा॑यमि॒च्छन् ।
अपृ॑च्छम॒न्याँ उ॒त ते म॑ आहु॒रिन्द्रं॒ नरो॑ बुबुधा॒ना अ॑शेम ॥
我反复望见这位猛烈的奠立者之步，并想要跟随它。我问别人，他们对我说：“愿觉醒的人们获得因陀罗。”
5.30.3
प्र नु व॒यं सु॒ते या ते॑ कृ॒तानीन्द्र॒ ब्रवा॑म॒ यानि॑ नो॒ जुजो॑षः ।
वेद॒दवि॑द्वाञ्च्छृ॒णव॑च्च वि॒द्वान्वह॑ते॒ऽयं म॒घवा॒ सर्व॑सेनः ॥
如今在压榨苏摩之时，因陀罗啊，愿我们述说你的功业，以及你向我们显示的恩惠。让知者知晓，让无知者也听闻；这位慷慨的、拥有全军的摩伽梵带来了它。
5.30.4
स्थि॒रं मन॑श्चकृषे जा॒त इ॑न्द्र॒ वेषीदेको॑ यु॒धये॒ भूय॑सश्चित् ।
अश्मा॑नं चि॒च्छव॑सा दिद्युतो॒ वि वि॒दो गवा॑मू॒र्वमु॒स्रिया॑णाम् ॥
因陀罗啊，你一出生便使心志坚定；你独自渴望与众多敌人作战。凭你的力量，你甚至劈开了岩石；你找到了那牛群晨乳的宽阔之地。
5.30.5
प॒रो यत्त्वं प॑र॒म आ॒जनि॑ष्ठाः परा॒वति॒ श्रुत्यं॒ नाम॒ बिभ्र॑त् ।
अत॑श्चि॒दिन्द्रा॑दभयन्त दे॒वा विश्वा॑ अ॒पो अ॑जयद्दा॒सप॑त्नीः ॥
当你这至上者远远地诞生，在遥远的地方承载着著名的名号时，诸神正是因这位因陀罗而恐惧。他征服了所有的水，也征服了达娑的妻子们。
5.30.6
तुभ्येदे॒ते म॒रुतः॑ सु॒शेवा॒ अर्च॑न्त्य॒र्कं सु॒न्वन्त्यन्धः॑ ।
अहि॑मोहा॒नम॒प आ॒शया॑नं॒ प्र मा॒याभि॑र्मा॒यिनं॑ सक्ष॒दिन्द्रः॑ ॥
正是为你，这些欢愉的摩路多向歌赞致敬，压榨苏摩汁。愿因陀罗以他的法术胜过那位魔术师——盘踞卧于水上的蛇。
5.30.7
वि षू मृधो॑ ज॒नुषा॒ दान॒मिन्व॒न्नह॒न्गवा॑ मघवन्त्संचका॒नः ।
अत्रा॑ दा॒सस्य॒ नमु॑चेः॒ शिरो॒ यदव॑र्तयो॒ मन॑वे गा॒तुमि॒च्छन् ॥
慷慨的因陀罗啊，你生来便打开了障碍；激发布施，与牛群结合，你在那里击落了达萨那穆奇的头颅，为摩奴寻求道路时将其扭转。
5.30.8
युजं॒ हि मामकृ॑था॒ आदिदि॑न्द्र॒ शिरो॑ दा॒सस्य॒ नमु॑चेर्मथा॒यन् ।
अश्मा॑नं चित्स्व॒र्यं॑ वर्त॑मानं॒ प्र च॒क्रिये॑व॒ रोद॑सी म॒रुद्भ्यः॑ ॥
因为你为我套上了轭；那时，因陀罗啊，你碾碎达萨那穆奇的头颅，驱动着在天空中飞驰、向前冲去的石头——为摩录多们驱动天地，如同两个车轮。
5.30.9
स्त्रियो॒ हि दा॒स आयु॑धानि च॒क्रे किं मा॑ करन्नब॒ला अ॑स्य॒ सेनाः॑ ।
अ॒न्तर्ह्यख्य॑दु॒भे अ॑स्य॒ धेने॒ अथोप॒ प्रैद्यु॒धये॒ दस्यु॒मिन्द्रः॑ ॥
因为达萨把女子当作武器；他望着两头产奶的母牛之间，心想：“这些无力的军队能奈我何？”于是因陀罗为战斗而向达休优前进。
5.30.10
समत्र॒ गावो॒ऽभितो॑ऽनवन्ते॒हेह॑ व॒त्सैर्वियु॑ता॒ यदास॑न् ।
सं ता इन्द्रो॑ असृजदस्य शा॒कैर्यदी॒ं सोमा॑सः॒ सुषु॑ता॒ अम॑न्दन् ॥
此处，与牛犊分离的母牛从四面八方一同哞叫；当经过良好压榨的苏摩酒使他欢喜时，因陀罗便再次将它们一同释放。
5.30.11
यदी॒ं सोमा॑ ब॒भ्रुधू॑ता॒ अम॑न्द॒न्नरो॑रवीद्वृष॒भः साद॑नेषु ।
पु॒रं॒द॒रः प॑पि॒वाँ इन्द्रो॑ अस्य॒ पुन॒र्गवा॑मददादु॒स्रिया॑णाम् ॥
当褐色流注的苏摩酒使他欢喜时，公牛般的因陀罗在祭坛座位上吼叫；毁灭堡垒的因陀罗饮用之后，便将他的牛群归还——那些新挤奶的母牛。
5.30.12
भ॒द्रमि॒दं रु॒शमा॑ अग्ने अक्र॒न्गवां॑ च॒त्वारि॒ दद॑तः स॒हस्रा॑ ।
ऋ॒णं॒च॒यस्य॒ प्रय॑ता म॒घानि॒ प्रत्य॑ग्रभीष्म॒ नृत॑मस्य नृ॒णाम् ॥
这份吉祥是鲁沙玛人所为，阿耆尼啊；我们接受了给予四千头牛的鲁南崇耶的布施，人中最勇武者的财富。
5.30.13
सु॒पेश॑सं॒ माव॑ सृज॒न्त्यस्तं॒ गवां॑ स॒हस्रै॑ रु॒शमा॑सो अग्ने ।
ती॒व्रा इन्द्र॑मममन्दुः सु॒तासो॑ अ॒क्तोर्व्यु॑ष्टौ॒ परि॑तक्म्यायाः ॥
啊阿耆尼，闪耀的苏摩汁液把俊美的因陀罗送往千牛的居所。夜尽黎明破晓时，那锐利压榨的汁液使因陀罗欢喜。
5.30.14
औच्छ॒त्सा रात्री॒ परि॑तक्म्या॒ याँ ऋ॑णंच॒ये राज॑नि रु॒शमा॑नाम् ।
अत्यो॒ न वा॒जी र॒घुर॒ज्यमा॑नो ब॒भ्रुश्च॒त्वार्य॑सनत्स॒हस्रा॑ ॥
那照耀四方的夜晚，在鲁南昌耶的王国里照临光辉者之上，如黎明女神乌莎般放光。如同迅捷的骏马，那光明者赢得了四千。
5.30.15
चतुः॑सहस्रं॒ गव्य॑स्य प॒श्वः प्रत्य॑ग्रभीष्म रु॒शमे॑ष्वग्ने ।
घ॒र्मश्चि॑त्त॒प्तः प्र॒वृजे॒ य आसी॑दय॒स्मय॒स्तं वादा॑म॒ विप्राः॑ ॥
啊阿耆尼，我们在光明者之中获得了四千牛羊。那在祈祷祭中烧热、以铁制成的热供品，诸位灵感的智者啊，我们在此献上了。