梨俱吠陀 · 赞歌 9.110

9.110.1

पर्यू॒ षु प्र ध॑न्व॒ वाज॑सातये॒ परि॑ वृ॒त्राणि॑ स॒क्षणिः॑ ।
द्वि॒षस्त॒रध्या॑ ऋण॒या न॑ ईयसे ॥

苏摩啊，为赢得财富而好好奔流吧；越过四周的障碍，超越敌人。你作为我们的助手来到我们这里。

अनु॒ हि त्वा॑ सु॒तं सो॑म॒ मदा॑मसि म॒हे स॑मर्य॒राज्ये॑ ।
वाजाँ॑ अ॒भि प॑वमान॒ प्र गा॑हसे ॥

被榨出的苏摩啊，我们在敌对君王的伟大竞争中使你欢愉。啊，清净者，你向着力量前进。

अजी॑जनो॒ हि प॑वमान॒ सूर्यं॑ वि॒धारे॒ शक्म॑ना॒ पयः॑ ।
गोजी॑रया॒ रंह॑माणः॒ पुरं॑ध्या ॥

啊，清净的苏摩，你生出了太阳；凭你的力量，在车座上生出乳汁；以带来牛群的普兰迪怡悦之。

अजी॑जनो अमृत॒ मर्त्ये॒ष्वाँ ऋ॒तस्य॒ धर्म॑न्न॒मृत॑स्य॒ चारु॑णः ।
सदा॑सरो॒ वाज॒मच्छा॒ सनि॑ष्यदत् ॥

不死的苏摩啊，你在凡人之中、在宇宙秩序（ṛta）的法则中、在不死者美好的法则中生出；你总是奔向力量，流淌而去。

अ॒भ्य॑भि॒ हि श्रव॑सा त॒तर्दि॒थोत्सं॒ न कं चि॑ज्जन॒पान॒मक्षि॑तम् ।
शर्या॑भि॒र्न भर॑माणो॒ गभ॑स्त्योः ॥

你一次又一次以荣耀穿透了它，如泉源，是取之不尽的饮水之源；与母马一起，如同双手捧持之人。

आदी॒ं के चि॒त्पश्य॑मानास॒ आप्यं॑ वसु॒रुचो॑ दि॒व्या अ॒भ्य॑नूषत ।
वारं॒ न दे॒वः स॑वि॒ता व्यू॑र्णुते ॥

于是有些人看见了，赞颂生于水中、以财富闪耀的天神（苏摩），如同神灵萨维德里打开大门。

त्वे सो॑म प्रथ॒मा वृ॒क्तब॑र्हिषो म॒हे वाजा॑य॒ श्रव॑से॒ धियं॑ दधुः ।
स त्वं नो॑ वीर वी॒र्या॑य चोदय ॥

苏摩啊，坐于割断之草上的最初智者，将其思想置于你之中，以求大力与荣耀。英雄啊，你请推动我们走向英勇之力。

दि॒वः पी॒यूषं॑ पू॒र्व्यं यदु॒क्थ्यं॑ म॒हो गा॒हाद्दि॒व आ निर॑धुक्षत ।
इन्द्र॑म॒भि जाय॑मानं॒ सम॑स्वरन् ॥

当古老而可颂的甘露在巨大的轰鸣中从天上挤出时，他们一同向正在诞生的因陀罗歌唱。

अध॒ यदि॒मे प॑वमान॒ रोद॑सी इ॒मा च॒ विश्वा॒ भुव॑ना॒भि म॒ज्मना॑ ।
यू॒थे न नि॒ष्ठा वृ॑ष॒भो वि ति॑ष्ठसे ॥

那时，啊，净化者，这两个世界与一切众生都在你的力量之下。你如同站立在牛群中的公牛，昂然挺立。

सोमः॑ पुना॒नो अ॒व्यये॒ वारे॒ शिशु॒र्न क्रीळ॒न्पव॑मानो अक्षाः ।
स॒हस्र॑धारः श॒तवा॑ज॒ इन्दु॑र् ॥

苏摩在不朽的奔流中净化自身；如同嬉戏的孩童，清净地流淌。千流百力的水滴流动着。

ए॒ष पु॑ना॒नो मधु॑माँ ऋ॒तावेन्द्रा॒येन्दुः॑ पवते स्वा॒दुरू॒र्मिः ।
वा॒ज॒सनि॑र्वरिवो॒विद्व॑यो॒धाः ॥

这甘甜的苏摩，持守宇宙秩序，为因陀罗而清净流淌。甘美的波浪，赐予力量，寻得财富，赐予生命，流淌而去。

स प॑वस्व॒ सह॑मानः पृत॒न्यून्त्सेध॒न्रक्षां॒स्यप॑ दु॒र्गहा॑णि ।
स्वा॒यु॒धः सा॑स॒ह्वान्त्सो॑म॒ शत्रू॑न् ॥

啊苏摩，你请净化自身，战胜好战的敌人，驱逐罗刹，攻破难以接近的堡垒。持有良好武器、已获胜利的苏摩啊，请战胜敌人。