リグ・ヴェーダ · スークタ 1.10

1.10.1

गाय॑न्ति त्वा गाय॒त्रिणोऽर्च॑न्त्य॒र्कम॒र्किणः॑ ।
ब्र॒ह्माण॑स्त्वा शतक्रत॒ उद्वं॒शमि॑व येमिरे ॥

歌い手はあなたを歌い、賛者は讃歌であなたを礼拝する。百の知恵のシャタクラトゥよ、祭官たちは竿を掲げるようにあなたを高く掲げる。

यत्सानोः॒ सानु॒मारु॑ह॒द्भूर्यस्प॑ष्ट॒ कर्त्व॑म् ।
तदिन्द्रो॒ अर्थं॑ चेतति यू॒थेन॑ वृ॒ष्णिरे॑जति ॥

彼が尾根から尾根へと登り、その偉大な業が現れたとき、インドラは自らの目的を悟る。雄牛は群れと共に進む。

यु॒क्ष्वा हि के॒शिना॒ हरी॒ वृष॑णा कक्ष्य॒प्रा ।
अथा॑ न इन्द्र सोमपा गि॒रामुप॑श्रुतिं चर ॥

さあ、たてがみのある二頭の栗毛の馬、力強く腹帯をつけたものに軛をかけよ。そしてインドラよ、ソーマを飲む者よ、我らの歌を聞きに来たれ。

एहि॒ स्तोमाँ॑ अ॒भि स्व॑रा॒भि गृ॑णी॒ह्या रु॑व ।
ब्रह्म॑ च नो वसो॒ सचेन्द्र॑ य॒ज्ञं च॑ वर्धय ॥

我らの讃歌へ来たれ。声高く歌い、讃え、ここに呼べ。富を与える者インドラよ、我らの祈りと供犠と共に来て、それらを増し加えよ。

उ॒क्थमिन्द्रा॑य॒ शंस्यं॒ वर्ध॑नं पुरुनि॒ष्षिधे॑ ।
श॒क्रो यथा॑ सु॒तेषु॑ णो रा॒रण॑त्स॒ख्येषु॑ च ॥

多くの城を砕く、増し加える者インドラのために讃歌が唱えられよ。シャクラが我らのソーマの圧搾と友好において恵みを与えたまうように。

तमित्स॑खि॒त्व ई॑महे॒ तं रा॒ये तं सु॒वीर्ये॑ ।
स श॒क्र उ॒त नः॑ शक॒दिन्द्रो॒ वसु॒ दय॑मानः ॥

友情のために我らは彼を呼ぶ、富のために彼を、勇士の子孫のために彼を。あのシャクラ、インドラが、財を与えつつ、我らにもそれを与えたまえ。

सु॒वि॒वृतं॑ सुनि॒रज॒मिन्द्र॒ त्वादा॑त॒मिद्यशः॑ ।
गवा॒मप॑ व्र॒जं वृ॑धि कृणु॒ष्व राधो॑ अद्रिवः ॥

インドラよ、あなたが授けた名声は広く整然と広がる。石を持つ者よ、牛の囲いを開き、我らに富を成就させよ。

न॒हि त्वा॒ रोद॑सी उ॒भे ऋ॑घा॒यमा॑ण॒मिन्व॑तः ।
जेषः॒ स्व॑र्वतीर॒पः सं गा अ॒स्मभ्यं॑ धूनुहि ॥

咆哮するあなたには、二つの世界（天と地）も及ばない。天空を宿す水を征服し、我らのために牛をも追い出せ。

आश्रु॑त्कर्ण श्रु॒धी हवं॒ नू चि॑द्दधिष्व मे॒ गिरः॑ ।
इन्द्र॒ स्तोम॑मि॒मं मम॑ कृ॒ष्वा यु॒जश्चि॒दन्त॑रम् ॥

耳を澄ませる者よ、我らの呼びかけを聞き、我が歌を受け入れよ。インドラよ、我が賛歌を軛につながれた馬よりも愛しきものとせよ。

वि॒द्मा हि त्वा॒ वृष॑न्तमं॒ वाजे॑षु हवन॒श्रुत॑म् ।
वृष॑न्तमस्य हूमह ऊ॒तिं स॑हस्र॒सात॑माम् ॥

戦いで呼びかけに応える、最も勇健なあなたを我らは知る。千の恵みをもたらす、その最も勇健な方の助けを我らは呼ぶ。

आ तू न॑ इन्द्र कौशिक मन्दसा॒नः सु॒तं पि॑ब ।
नव्य॒मायुः॒ प्र सू ति॑र कृ॒धी स॑हस्र॒सामृषि॑म् ॥

インドラよ、カウシカの子よ、喜びて来て搾られたソーマを飲め。新たな寿命を無事に渡らせ、この聖者を千の恵みを与える者とせよ。

परि॑ त्वा गिर्वणो॒ गिर॑ इ॒मा भ॑वन्तु वि॒श्वतः॑ ।
वृ॒द्धायु॒मनु॒ वृद्ध॑यो॒ जुष्टा॑ भवन्तु॒ जुष्ट॑यः ॥

歌の主よ、これらの讃歌があらゆる方向からあなたを取り囲みますように。長寿の者に続いて繁栄があり、愛しき者に愛しき恵みがありますように。