リグ・ヴェーダ · スークタ 1.27

1.27.1

अश्वं॒ न त्वा॒ वार॑वन्तं व॒न्दध्या॑ अ॒ग्निं नमो॑भिः ।
स॒म्राज॑न्तमध्व॒राणा॑म् ॥

駿馬のように、速きアグニよ、あなたを礼拝をもって讃える。あなたは供犠の王である。

स घा॑ नः सू॒नुः शव॑सा पृ॒थुप्र॑गामा सु॒शेवः॑ ।
मी॒ढ्वाँ अ॒स्माकं॑ बभूयात् ॥

彼が真に私たちにとって力強い息子のようであり、広く進み、極めて善き者となり、私たちに恵みを与える者となりますように。

स नो॑ दू॒राच्चा॒साच्च॒ नि मर्त्या॑दघा॒योः ।
पा॒हि सद॒मिद्वि॒श्वायुः॑ ॥

彼は遠くからも近くからも、死すべき者からも悪意ある者からも私たちを守りますように。常に、全き命の者よ、守りたまえ。

इ॒ममू॒ षु त्वम॒स्माकं॑ स॒निं गा॑य॒त्रं नव्यां॑सम् ।
अग्ने॑ दे॒वेषु॒ प्र वो॑चः ॥

この讃歌を私たちのために、ガーヤトリー韻律で、最も新しい恵みについて、アグニよ、神々の間で良く告げたまえ。

आ नो॑ भज पर॒मेष्वा वाजे॑षु मध्य॒मेषु॑ ।
शिक्षा॒ वस्वो॒ अन्त॑मस्य ॥

私たちに最高のものへの分け前を、最高の争いと中程のものにも与えたまえ；最も優れた富を私たちに授けたまえ。

वि॒भ॒क्तासि॑ चित्रभानो॒ सिन्धो॑रू॒र्मा उ॑पा॒क आ ।
स॒द्यो दा॒शुषे॑ क्षरसि ॥

あなたは分かれて在る、輝く者よ。川の波の中に、岸辺の近くに。速やかに、施し手のために、あなたは流れ出る。

यम॑ग्ने पृ॒त्सु मर्त्य॒मवा॒ वाजे॑षु॒ यं जु॒नाः ।
स यन्ता॒ शश्व॑ती॒रिषः॑ ॥

アグニよ、戦いであなたが守り、競いの中で前へ導く人間が、永遠の糧を得ますように。

नकि॑रस्य सहन्त्य पर्ये॒ता कय॑स्य चित् ।
वाजो॑ अस्ति श्र॒वाय्यः॑ ॥

勝利のアグニよ、彼に逆らう者はなく、弱き者も逆らえない。力は讃えられるべきものだ。

स वाजं॑ वि॒श्वच॑र्षणि॒रर्व॑द्भिरस्तु॒ तरु॑ता ।
विप्रे॑भिरस्तु॒ सनि॑ता ॥

すべてを見通す彼が、速い馬とともに力の助け手となりますように。霊感を得た聖者たちに与える者となりますように。

जरा॑बोध॒ तद्वि॑विड्ढि वि॒शेवि॑शे य॒ज्ञिया॑य ।
स्तोमं॑ रु॒द्राय॒ दृशी॑कम् ॥

古より目覚めし者よ、それをあらゆる民のために栄えさせ、供犠にふさわしいルドラへの讃歌を顕らかにしてください。

स नो॑ म॒हाँ अ॑निमा॒नो धू॒मके॑तुः पुरुश्च॒न्द्रः ।
धि॒ये वाजा॑य हिन्वतु ॥

偉大で無限、煙を旗印とし、光に富む彼が、私たちの思考と力を励ましますように。

स रे॒वाँ इ॑व वि॒श्पति॒र्दैव्यः॑ के॒तुः शृ॑णोतु नः ।
उ॒क्थैर॒ग्निर्बृ॒हद्भा॑नुः ॥

富める者のように、民の主、神聖な旗印である彼が、私たちに耳を傾けますように。讃歌をもって、広大な光のアグニが私たちに耳を傾けますように。

नमो॑ म॒हद्भ्यो॒ नमो॑ अर्भ॒केभ्यो॒ नमो॒ युव॑भ्यो॒ नम॑ आशि॒नेभ्यः॑ ।
यजा॑म दे॒वान्यदि॑ श॒क्नवा॑म॒ मा ज्याय॑सः॒ शंस॒मा वृ॑क्षि देवाः ॥

偉大なる者に礼拝を、幼き子らに礼拝を、若者らに礼拝を、座す者らに礼拝を。もし我らに力があれば神々を祀ろう。おお神々よ、年長者の讃歌を我らから奪わないでください。