リグ・ヴェーダ · スークタ 10.30
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
10.30.1
प्र दे॑व॒त्रा ब्रह्म॑णे गा॒तुरे॑तु अ॒पो अच्छा॒ मन॑सो॒ न प्रयु॑क्ति ।
म॒हीं मि॒त्रस्य॒ वरु॑णस्य धा॒सिं पृ॑थु॒ज्रय॑से रीरधा सुवृ॒क्तिम् ॥
この道が神々へ、聖なる言葉のために進みますように。心の衝動のように水が神々へ流れますように。ミトラとヴァルナの偉大な住処を、遠くへ赴く者のために、よき讃歌として授けたまえ。
10.30.2
अध्व॑र्यवो ह॒विष्म॑न्तो॒ हि भू॒ताच्छा॒प इ॑तोश॒तीरु॑शन्तः ।
अव॒ याश्चष्टे॑ अरु॒णः सु॑प॒र्णस्तमास्य॑ध्वमू॒र्मिम॒द्या सु॑हस्ताः ॥
祭官たちよ、供物を携えて水へ行け。水は望みをもって下を見る。赤く金翼の太陽が見守るその波の上に、今日座れ、巧みな手を持つ者たちよ。
10.30.3
अध्व॑र्यवो॒ऽप इ॑ता समु॒द्रम॒पां नपा॑तं ह॒विषा॑ यजध्वम् ।
स वो॑ दददू॒र्मिम॒द्या सुपू॑तं॒ तस्मै॒ सोमं॒ मधु॑मन्तं सुनोत ॥
祭官たちよ、水へ、海へ行け。水の孫を供物で供養せよ。彼が今日、清らかに浄められた波をお前たちに与えますように。彼のために甘いソーマを搾れ。
10.30.4
यो अ॑नि॒ध्मो दीद॑यद॒प्स्व॑न्तर्यं विप्रा॑स॒ ईळ॑ते अध्व॒रेषु॑ ।
अपां॑ नपा॒न्मधु॑मतीर॒पो दा॒ याभि॒रिन्द्रो॑ वावृ॒धे वी॒र्या॑य ॥
薪なくして水の中に輝き、霊感を受けた賢者たちが供犠で讃える者よ——水の孫よ、甘い水を我らに与えたまえ。それによってインドラは武勇のために力を増したのだ。
10.30.5
याभिः॒ सोमो॒ मोद॑ते॒ हर्ष॑ते च कल्या॒णीभि॑र्युव॒तिभि॒र्न मर्यः॑ ।
ता अ॑ध्वर्यो अ॒पो अच्छा॒ परे॑हि॒ यदा॑सि॒ञ्चा ओष॑धीभिः पुनीतात् ॥
ソーマが喜び楽しむ水へ、美しい若い女性と交わる男のように——祭官よ、その水へ行け。草木をもってそれらを注ぐとき、それらを清めよ。
10.30.6
ए॒वेद्यूने॑ युव॒तयो॑ नमन्त॒ यदी॑मु॒शन्नु॑श॒तीरेत्यच्छ॑ ।
सं जा॑नते॒ मन॑सा॒ सं चि॑कित्रे अध्व॒र्यवो॑ धि॒षणाप॑श्च दे॒वीः ॥
ちょうど若い女性が若者の前にかがむように、暁が輝いて来るとき。祭官たちは心で知り、共に認めた——水と、ディシャナーと、神々の水を。
10.30.7
यो वो॑ वृ॒ताभ्यो॒ अकृ॑णोदुलो॒कं यो वो॑ म॒ह्या अ॒भिश॑स्ते॒रमु॑ञ्चत् ।
तस्मा॒ इन्द्रा॑य॒ मधु॑मन्तमू॒र्मिं दे॑व॒माद॑नं॒ प्र हि॑णोतनापः ॥
障害に対して道を開き、大いなる呪いから汝らを解き放った者のために、蜜に満ちた波を送れ、水よ、それは神々を喜ばせる。
10.30.8
प्रास्मै॑ हिनोत॒ मधु॑मन्तमू॒र्मिं गर्भो॒ यो वः॑ सिन्धवो॒ मध्व॒ उत्सः॑ ।
घृ॒तपृ॑ष्ठ॒मीड्य॑मध्व॒रेषु॒ आपो॑ रेवतीः शृणु॒ता हवं॑ मे ॥
彼のために蜜に満ちた波を送れ、それは汝らの胎、蜜の泉、酥油を背にし、供犠において讃えられるもの。富める水よ、我が呼びかけを聞け。
10.30.9
तं सि॑न्धवो मत्स॒रमि॑न्द्र॒पान॑मू॒र्मिं प्र हे॑त॒ य उ॒भे इय॑र्ति ।
म॒द॒च्युत॑मौशा॒नं न॑भो॒जां परि॑ त्रि॒तन्तुं॑ वि॒चर॑न्त॒मुत्स॑म् ॥
諸河よ、その陶酔をもたらし、インドラが飲む波を前へ送れ。それは両界を動かすもの。それは燃える、天空を支える、三本の糸の源泉、めぐり動くものなり。
10.30.10
आ॒वर्वृ॑तती॒रध॒ नु द्वि॒धारा॑ गोषु॒युधो॒ न नि॑य॒वं चर॑न्तीः ।
ऋषे॒ जनि॑त्री॒र्भुव॑नस्य॒ पत्नी॑र॒पो व॑न्दस्व स॒वृधः॒ सयो॑नीः ॥
今、二つの流れを往復し、牛の乳を搾る女のように祭柱へ向かう彼らを。賢者よ、世界を生む女主たる妻たち、諸水――共に育ち、共に生まれた諸水を讃えよ。
10.30.11
हि॒नोता॑ नो अध्व॒रं दे॑वय॒ज्या हि॒नोत॒ ब्रह्म॑ स॒नये॒ धना॑नाम् ।
ऋ॒तस्य॒ योगे॒ वि ष्य॑ध्व॒मूधः॑ श्रुष्टी॒वरी॑र्भूतना॒स्मभ्य॑मापः ॥
我らのために神々にふさわしい供犠を送れ、富を得るために祈りを送れ。リタの結合において乳房を開け、水よ、我らに恵み深くあれ。
10.30.12
आपो॑ रेवतीः॒ क्षय॑था॒ हि वस्वः॒ क्रतुं॑ च भ॒द्रं बि॑भृ॒थामृतं॑ च ।
रा॒यश्च॒ स्थ स्व॑प॒त्यस्य॒ पत्नीः॒ सर॑स्वती॒ तद्गृ॑ण॒ते वयो॑ धात् ॥
富める水よ、汝らは確かに富に住まい、吉祥の思いと不死を担う。汝らは善き子孫を持つ者の富の女主であり、サラスヴァティーは讃える者にその力を授けた。
10.30.13
प्रति॒ यदापो॒ अदृ॑श्रमाय॒तीर्घृ॒तं पयां॑सि॒ बिभ्र॑ती॒र्मधू॑नि ।
अ॒ध्व॒र्युभि॒र्मन॑सा संविदा॒ना इन्द्रा॑य॒ सोमं॒ सुषु॑तं॒ भर॑न्तीः ॥
水が来るのを私は見た。酥油と乳と甘い蜜を運び、アドヴァリュの祭官たちと心を一つにして、インドラのために善く搾られたソーマを運んでくる。
10.30.14
एमा अ॑ग्मन्रे॒वती॑र्जी॒वध॑न्या॒ अध्व॑र्यवः सा॒दय॑ता सखायः ।
नि ब॒र्हिषि॑ धत्तन सोम्यासो अ॒पां नप्त्रा॑ संविदा॒नास॑ एनाः ॥
この富み豊かで生命の財をもたらす水が、ここに来た。アドヴァリュの祭官たちよ、友よ、座れ。ソーマを搾る者たちよ、聖草の上にそれらを置け、水の孫（火）と一つになって。
10.30.15
आग्म॒न्नाप॑ उश॒तीर्ब॒र्हिरेदं न्य॑ध्व॒रे अ॑सदन्देव॒यन्तीः॑ ।
अध्व॑र्यवः सुनु॒तेन्द्रा॑य॒ सोम॒मभू॑दु वः सु॒शका॑ देवय॒ज्या ॥
水が来て、ここで聖草の上に座った。この祭儀で神々を求めて。アドヴァリュの祭官たちよ、インドラのためにソーマを搾れ。それはあなたがたの良き助けとなり、神々の祭祀にふさわしくなった。