梨俱吠陀 · 赞歌 10.30
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
10.30.1
प्र दे॑व॒त्रा ब्रह्म॑णे गा॒तुरे॑तु अ॒पो अच्छा॒ मन॑सो॒ न प्रयु॑क्ति ।
म॒हीं मि॒त्रस्य॒ वरु॑णस्य धा॒सिं पृ॑थु॒ज्रय॑से रीरधा सुवृ॒क्तिम् ॥
愿此道路通向诸神，通向神圣的言辞；愿众水如心念之动般流向他们。请赐予弥多罗与伐楼那的伟大居所，为那行走广远者献上美好的赞颂。
10.30.2
अध्व॑र्यवो ह॒विष्म॑न्तो॒ हि भू॒ताच्छा॒प इ॑तोश॒तीरु॑शन्तः ।
अव॒ याश्चष्टे॑ अरु॒णः सु॑प॒र्णस्तमास्य॑ध्वमू॒र्मिम॒द्या सु॑हस्ताः ॥
祭司们，持着供物去往诸水吧；它们怀着渴望向下凝望。今天就坐在那被红色金翼太阳所注视的波浪之上吧，手艺精巧的人们。
10.30.3
अध्व॑र्यवो॒ऽप इ॑ता समु॒द्रम॒पां नपा॑तं ह॒विषा॑ यजध्वम् ।
स वो॑ दददू॒र्मिम॒द्या सुपू॑तं॒ तस्मै॒ सोमं॒ मधु॑मन्तं सुनोत ॥
祭司们，去往诸水与大海吧；以供物敬拜水之孙。愿他今日赐你们纯净的波浪；为他榨出甜美的苏摩。
10.30.4
यो अ॑नि॒ध्मो दीद॑यद॒प्स्व॑न्तर्यं विप्रा॑स॒ ईळ॑ते अध्व॒रेषु॑ ।
अपां॑ नपा॒न्मधु॑मतीर॒पो दा॒ याभि॒रिन्द्रो॑ वावृ॒धे वी॒र्या॑य ॥
无薪而在水中发光者，诸智者在祭祀中赞颂之——水之孙啊，请赐给我们甜美的水，因之因陀罗为勇力而增长。
10.30.5
याभिः॒ सोमो॒ मोद॑ते॒ हर्ष॑ते च कल्या॒णीभि॑र्युव॒तिभि॒र्न मर्यः॑ ।
ता अ॑ध्वर्यो अ॒पो अच्छा॒ परे॑हि॒ यदा॑सि॒ञ्चा ओष॑धीभिः पुनीतात् ॥
朝向苏摩所欢喜、所喜乐的那些水，如男子之于美丽的少女——祭司啊，前往那些水吧；当你以草木灌注它们时，使它们清净。
10.30.6
ए॒वेद्यूने॑ युव॒तयो॑ नमन्त॒ यदी॑मु॒शन्नु॑श॒तीरेत्यच्छ॑ ।
सं जा॑नते॒ मन॑सा॒ सं चि॑कित्रे अध्व॒र्यवो॑ धि॒षणाप॑श्च दे॒वीः ॥
如同少女在青年面前屈身，当晨光闪耀而来之时；祭司们以心识知，共同辨认了诸水、迪沙那与神圣之水。
10.30.7
यो वो॑ वृ॒ताभ्यो॒ अकृ॑णोदुलो॒कं यो वो॑ म॒ह्या अ॒भिश॑स्ते॒रमु॑ञ्चत् ।
तस्मा॒ इन्द्रा॑य॒ मधु॑मन्तमू॒र्मिं दे॑व॒माद॑नं॒ प्र हि॑णोतनापः ॥
你们为被阻者开辟了自由之路，从大诅咒中解脱，为那因陀罗送出蜜满的波浪吧，诸水啊，它令诸神欢喜。
10.30.8
प्रास्मै॑ हिनोत॒ मधु॑मन्तमू॒र्मिं गर्भो॒ यो वः॑ सिन्धवो॒ मध्व॒ उत्सः॑ ।
घृ॒तपृ॑ष्ठ॒मीड्य॑मध्व॒रेषु॒ आपो॑ रेवतीः शृणु॒ता हवं॑ मे ॥
为他送出蜜满的波浪吧，它是你们的胎藏，诸河啊，蜜的源泉，背负酥油，在祭祀中值得赞颂；富足的诸水啊，请听我的呼唤。
10.30.9
तं सि॑न्धवो मत्स॒रमि॑न्द्र॒पान॑मू॒र्मिं प्र हे॑त॒ य उ॒भे इय॑र्ति ।
म॒द॒च्युत॑मौशा॒नं न॑भो॒जां परि॑ त्रि॒तन्तुं॑ वि॒चर॑न्त॒मुत्स॑म् ॥
诸河啊，请推动那令人陶醉、因陀罗所饮的波浪，它使两界运转；它是炽热的、支撑天空的、三线的泉源，周流环绕。
10.30.10
आ॒वर्वृ॑तती॒रध॒ नु द्वि॒धारा॑ गोषु॒युधो॒ न नि॑य॒वं चर॑न्तीः ।
ऋषे॒ जनि॑त्री॒र्भुव॑नस्य॒ पत्नी॑र॒पो व॑न्दस्व स॒वृधः॒ सयो॑नीः ॥
如今那在两道间往复回旋、如挤奶女子般走向祭柱的诸水；啊，贤者，那创生世界的女主，诸水啊——请赞颂那共同成长、共同诞生的诸水。
10.30.11
हि॒नोता॑ नो अध्व॒रं दे॑वय॒ज्या हि॒नोत॒ ब्रह्म॑ स॒नये॒ धना॑नाम् ।
ऋ॒तस्य॒ योगे॒ वि ष्य॑ध्व॒मूधः॑ श्रुष्टी॒वरी॑र्भूतना॒स्मभ्य॑मापः ॥
为我们推动配得神明的祭祀，推动祷词以获得财富；在天道相合之时，打开乳房，啊诸水，为我们施予慷慨之恩吧。
10.30.12
आपो॑ रेवतीः॒ क्षय॑था॒ हि वस्वः॒ क्रतुं॑ च भ॒द्रं बि॑भृ॒थामृतं॑ च ।
रा॒यश्च॒ स्थ स्व॑प॒त्यस्य॒ पत्नीः॒ सर॑स्वती॒ तद्गृ॑ण॒ते वयो॑ धात् ॥
富足的诸水啊，你们确实居于财富之中，承载着吉祥的思虑与甘露；你们是拥有善嗣之人财富的女主，萨罗室伐蒂将那份力量赐予了赞颂者。
10.30.13
प्रति॒ यदापो॒ अदृ॑श्रमाय॒तीर्घृ॒तं पयां॑सि॒ बिभ्र॑ती॒र्मधू॑नि ।
अ॒ध्व॒र्युभि॒र्मन॑सा संविदा॒ना इन्द्रा॑य॒ सोमं॒ सुषु॑तं॒ भर॑न्तीः ॥
我看见水流前来，携带酥油、乳汁与甘蜜，与祭司们心意相合，为因陀罗带来压榨好的苏摩。
10.30.14
एमा अ॑ग्मन्रे॒वती॑र्जी॒वध॑न्या॒ अध्व॑र्यवः सा॒दय॑ता सखायः ।
नि ब॒र्हिषि॑ धत्तन सोम्यासो अ॒पां नप्त्रा॑ संविदा॒नास॑ एनाः ॥
这些富饶的水，带来生命的财富，已经来到这里。祭司们啊，朋友们，请坐下；压榨苏摩的人们啊，把它们放在圣草上，与水之孙（火）相合。
10.30.15
आग्म॒न्नाप॑ उश॒तीर्ब॒र्हिरेदं न्य॑ध्व॒रे अ॑सदन्देव॒यन्तीः॑ ।
अध्व॑र्यवः सुनु॒तेन्द्रा॑य॒ सोम॒मभू॑दु वः सु॒शका॑ देवय॒ज्या ॥
水已到来，在此圣草上坐下，在这次祭祀中渴望诸神。祭司们啊，为因陀罗压榨苏摩吧；它已成为你们的良助，适合敬拜诸神。