梨俱吠陀 · 赞歌 10.46

10.46.1

प्र होता॑ जा॒तो म॒हान्न॑भो॒विन्नृ॒षद्वा॑ सीदद॒पामु॒पस्थे॑ ।
दधि॒र्यो धायि॒ स ते॒ वयां॑सि य॒न्ता वसू॑नि विध॒ते त॑नू॒पाः ॥

祭司阿耆尼降生而变得伟大；通晓天空者坐在众人之中、水的怀抱里。被安置者赐予你力量，把财富赐予祈祷者，并守护身体。

इ॒मं वि॒धन्तो॑ अ॒पां स॒धस्थे॑ प॒शुं न न॒ष्टं प॒दैरनु॑ ग्मन् ।
गुहा॒ चत॑न्तमु॒शिजो॒ नमो॑भिरि॒च्छन्तो॒ धीरा॒ भृग॑वोऽविन्दन् ॥

他们在众水的共同居所安置了他，循着踪迹前行，如同失散的牛；乌希之人以敬礼寻找隐藏的他，智慧的婆利古人寻觅之后找到了他。

इ॒मं त्रि॒तो भूर्य॑विन्ददि॒च्छन्वै॑भूव॒सो मू॒र्धन्यघ्न्या॑याः ।
स शेवृ॑धो जा॒त आ ह॒र्म्येषु॒ नाभि॒र्युवा॑ भवति रोच॒नस्य॑ ॥

特利陀经过多方寻找而找到他，在吠布婆娑的头上，即在不可杀之牝牛的位置。他增益福祉，生而出现，在家宅中升起；作为光的中心，他永远年轻。

म॒न्द्रं होता॑रमु॒शिजो॒ नमो॑भिः॒ प्राञ्चं॑ य॒ज्ञं ने॒तार॑मध्व॒राणा॑म् ।
वि॒शाम॑कृण्वन्नर॒तिं पा॑व॒कं ह॑व्य॒वाहं॒ दध॑तो॒ मानु॑षेषु ॥

乌希之人以敬礼确立了甘甜的祭司，他是向前行进的祭祀之领导者、诸仪式的引导者。为了众民，他们使他成为不知疲倦的净化者、承载祭品者，并把他安置在人群之中。

प्र भू॒र्जय॑न्तं म॒हां वि॑पो॒धां मू॒रा अमू॑रं पु॒रां द॒र्माण॑म् ।
नय॑न्तो॒ गर्भं॑ व॒नां धियं॑ धु॒र्हिरि॑श्मश्रुं॒ नार्वा॑णं॒ धन॑र्चम् ॥

向前吧，胜利者，诸大者中最有力者，摧毁堡垒者，战胜哑敌者，如摧毁城市的阿耆尼；承载胚胎，接受森林的胚芽，安放思想，那位有着闪亮胡须的，不是马，而是赢得财富者。

नि प॒स्त्या॑सु त्रि॒त स्त॑भू॒यन्परि॑वीतो॒ योनौ॑ सीदद॒न्तः ।
अतः॑ सं॒गृभ्या॑ वि॒शां दमू॑ना॒ विध॑र्मणाय॒न्त्रैरी॑यते॒ नॄन् ॥

特利陀在帕斯提亚的居所中安置了阿耆尼；他被环绕，坐在子宫之中。因此，他聚集部族，以奇妙而不受束缚的方式驯服他们，人们呼唤他。

अ॒स्याजरा॑सो द॒माम॒रित्रा॑ अ॒र्चद्धू॑मासो अ॒ग्नयः॑ पाव॒काः ।
श्वि॒ती॒चयः॑ श्वा॒त्रासो॑ भुर॒ण्यवो॑ वन॒र्षदो॑ वा॒यवो॒ न सोमाः॑ ॥

此祭的不老、无伤的火神，其烟焰闪耀，是净化者；他们是白光者、白者与明亮者，如同居于林中的风，如同苏摩之滴。

प्र जि॒ह्वया॑ भरते॒ वेपो॑ अ॒ग्निः प्र व॒युना॑नि॒ चेत॑सा पृथि॒व्याः ।
तमा॒यवः॑ शु॒चय॑न्तं पाव॒कं म॒न्द्रं होता॑रं दधिरे॒ यजि॑ष्ठम् ॥

阿耆尼以其舌头携带颤动的火焰，以智慧显现大地的奇迹；人们立起了那位光辉、净化、令人喜悦、最受敬拜的呼祭者。

द्यावा॒ यम॒ग्निं पृ॑थि॒वी जनि॑ष्टा॒माप॒स्त्वष्टा॒ भृग॑वो॒ यं सहो॑भिः ।
ई॒ळेन्यं॑ प्रथ॒मं मा॑त॒रिश्वा॑ दे॒वास्त॑तक्षु॒र्मन॑वे॒ यज॑त्रम् ॥

二天与二地所生的那位阿耆尼，由诸水、特瓦什塔与婆利古以其力量所塑；值得赞颂的首位摩塔利什梵，以及诸神，为摩奴塑造了那值得敬拜者。

यं त्वा॑ दे॒वा द॑धि॒रे ह॑व्य॒वाहं॑ पुरु॒स्पृहो॒ मानु॑षासो॒ यज॑त्रम् ।
स याम॑न्नग्ने स्तुव॒ते वयो॑ धाः॒ प्र दे॑व॒यन्य॒शसः॒ सं हि पू॒र्वीः ॥

诸神所立为运送供品者、成就众愿者、人类所敬拜者，正是你；故阿耆尼啊，在祭中赐予歌者力量，赐予渴慕诸神者众多荣光。