梨俱吠陀 · 赞歌 1.2

1.2.1

वाय॒वा या॑हि दर्शते॒मे सोमा॒ अरं॑कृताः ।
तेषां॑ पाहि श्रु॒धी हव॑म् ॥

噢，风神婆由，光辉者，请来！这些苏摩汁已经备好。请饮用并聆听我们的呼唤。

वाय॑ उ॒क्थेभि॑र्जरन्ते॒ त्वामच्छा॑ जरि॒तारः॑ ।
सु॒तसो॑मा अह॒र्विदः॑ ॥

噢，风神婆由！赞颂者以颂歌趋向你；榨取苏摩、知晓白昼的人来到你的身边。

वायो॒ तव॑ प्रपृञ्च॒ती धेना॑ जिगाति दा॒शुषे॑ ।
उ॒रू॒ची सोम॑पीतये ॥

噢，风神婆由！你那广布的乳牛抵达施主；它广大而来，为饮用苏摩而至。

इन्द्र॑वायू इ॒मे सु॒ता उप॒ प्रयो॑भि॒रा ग॑तम् ।
इन्द॑वो वामु॒शन्ति॒ हि ॥

因陀罗与风神婆由！这些苏摩汁已榨出；请以疾驰的车驾来此。苏摩之滴确实渴望你们二位。

वाय॒विन्द्र॑श्च चेतथः सु॒तानां॑ वाजिनीवसू ।
तावा या॑त॒मुप॑ द्र॒वत् ॥

噢，风神婆由与因陀罗！你们二位知晓被榨取的苏摩。噢，力量与财富的主宰者，请迅速来此！

वाय॒विन्द्र॑श्च सुन्व॒त आ या॑त॒मुप॑ निष्कृ॒तम् ।
म॒क्ष्वि॑त्था धि॒या न॑रा ॥

噢，风神婆由与因陀罗，请来到压榨苏摩者那里；靠近备好的供品。迅速地，如此，怀着虔诚，噢英雄们！

मि॒त्रं हु॑वे पू॒तद॑क्षं॒ वरु॑णं च रि॒शाद॑सम् ।
धियं॑ घृ॒ताचीं॒ साध॑न्ता ॥

我召唤净化技艺的密特拉，以及摧毁敌人的婆卢那。愿他们成就这浸润酥油的祈祷。

ऋ॒तेन॑ मित्रावरुणावृतावृधावृतस्पृशा ।
क्रतुं॑ बृ॒हन्त॑माशाथे ॥

凭借真理（ṛta），啊密特拉与婆卢那，你们是宇宙秩序的增益者与护持者，你们达成伟大的心愿。

क॒वी नो॑ मि॒त्रावरु॑णा तुविजा॒ता उ॑रु॒क्षया॑ ।
दक्षं॑ दधाते अ॒पस॑म् ॥

密特拉与婆卢那，这两位智慧的先知，生于多处，居所广阔，为我们确立技艺，并持守诸般事业。