リグ・ヴェーダ · スークタ 1.12

1.12.1

अ॒ग्निं दू॒तं वृ॑णीमहे॒ होता॑रं वि॒श्ववे॑दसम् ।
अ॒स्य य॒ज्ञस्य॑ सु॒क्रतु॑म् ॥

この祭祀の善い計画のために、使者であり祭官であり、すべてを知るアグニを私たちは選ぶ。

अ॒ग्निम॑ग्निं॒ हवी॑मभिः॒ सदा॑ हवन्त वि॒श्पति॑म् ।
ह॒व्य॒वाहं॑ पुरुप्रि॒यम् ॥

人々は讃歌をもって常にアグニを呼んだ。氏族の主、供物を運ぶ者、多くの人に愛される者を。

अग्ने॑ दे॒वाँ इ॒हा व॑ह जज्ञा॒नो वृ॒क्तब॑र्हिषे ।
असि॒ होता॑ न॒ ईड्यः॑ ॥

アグニよ、草を敷く祭主のために生まれた者よ、ここへ神々を連れてこい。あなたは我らの祭官、讃えられるべき者だ。

ताँ उ॑श॒तो वि बो॑धय॒ यद॑ग्ने॒ यासि॑ दू॒त्य॑म् ।
दे॒वैरा स॑त्सि ब॒र्हिषि॑ ॥

アグニよ、使者として行くとき、あの信者たちを目覚めさせよ。神々とともにここの聖なる草の上に座せ。

घृता॑हवन दीदिवः॒ प्रति॑ ष्म॒ रिष॑तो दह ।
अग्ने॒ त्वं र॑क्ष॒स्विनः॑ ॥

酥油で呼ばれ、輝くアグニよ、敵対する者を必ず焼き尽くせ。アグニよ、お前は羅刹を焼く。

अ॒ग्निना॒ग्निः समि॑ध्यते क॒विर्गृ॒हप॑ति॒र्युवा॑ ।
ह॒व्य॒वाड्जु॒ह्वा॑स्यः ॥

アグニはアグニによって点火される。賢者、家の主、若き供物の運び手、供物が捧げられる者。

क॒विम॒ग्निमुप॑ स्तुहि स॒त्यध॑र्माणमध्व॒रे ।
दे॒वम॑मीव॒चात॑नम् ॥

供犠において賢きアグニを讃えよ。その法は真実であり、神であり、災いを除く者である。

यस्त्वाम॑ग्ने ह॒विष्प॑तिर्दू॒तं दे॑व सप॒र्यति॑ ।
तस्य॑ स्म प्रावि॒ता भ॑व ॥

アグニよ、神よ。供物の主がお前を使者として仕えるなら、その者の助けとなれ。

यो अ॒ग्निं दे॒ववी॑तये ह॒विष्माँ॑ आ॒विवा॑सति ।
तस्मै॑ पावक मृळय ॥

神々の恵みを求めて供物を携え、アグニを求める者よ、浄め主よ、慈しみを与えよ。

स नः॑ पावक दीदिव॒ अग्ने॑ दे॒वाँ इ॒हा व॑ह ।
उप॑ य॒ज्ञं ह॒विश्च॑ नः ॥

浄め主よ、輝くアグニよ、神々をここへ連れて来給え。我らの供犠と供物へ来給え。

स न॒ स्तवा॑न॒ आ भ॑र गाय॒त्रेण॒ नवी॑यसा ।
र॒यिं वी॒रव॑ती॒मिष॑म् ॥

我らを讃えつつ、新しいガーヤトリーの歌とともに、英雄に富む財と食物をもたらせ。

अग्ने॑ शु॒क्रेण॑ शो॒चिषा॒ विश्वा॑भिर्दे॒वहू॑तिभिः ।
इ॒मं स्तोमं॑ जुषस्व नः ॥

アグニよ、輝く炎と神々へのすべての呼びかけをもって、我らのこの讃歌を受け入れよ。