梨俱吠陀 · 赞歌 2.27
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
2.27.1
इ॒मा गिर॑ आदि॒त्येभ्यो॑ घृ॒तस्नूः॑ स॒नाद्राज॑भ्यो जु॒ह्वा॑ जुहोमि ।
शृ॒णोतु॑ मि॒त्रो अ॑र्य॒मा भगो॑ नस्तुविजा॒तो वरु॑णो॒ दक्षो॒ अंशः॑ ॥
我以勺子将这些颂歌献给涂有酥油的阿底提亚们、诸王，永远如此。愿弥陀罗、阿利耶曼、婆伽、多生之伐楼那、达刹与阿姆萨听闻我们。
2.27.2
इ॒मं स्तोमं॒ सक्र॑तवो मे अ॒द्य मि॒त्रो अ॑र्य॒मा वरु॑णो जुषन्त ।
आ॒दि॒त्यासः॒ शुच॑यो॒ धार॑पूता॒ अवृ॑जिना अनव॒द्या अरि॑ष्टाः ॥
愿同心的弥陀罗、阿利耶曼与伐楼那今日接受我的赞颂。阿底提亚们纯洁，经水流净化，无过无咎，无伤无损。
2.27.3
त आ॑दि॒त्यास॑ उ॒रवो॑ गभी॒रा अद॑ब्धासो॒ दिप्स॑न्तो भूर्य॒क्षाः ।
अ॒न्तः प॑श्यन्ति वृजि॒नोत सा॒धु सर्वं॒ राज॑भ्यः पर॒मा चि॒दन्ति॑ ॥
那些阿底提亚广大、深邃、不受欺骗，能看见欲行欺骗者，目光众多。他们内里看见曲与善的行为；一切都为诸王，至高者亦近在其身旁。
2.27.4
धा॒रय॑न्त आदि॒त्यासो॒ जग॒त्स्था दे॒वा विश्व॑स्य॒ भुव॑नस्य गो॒पाः ।
दी॒र्घाधि॑यो॒ रक्ष॑माणा असु॒र्य॑मृ॒तावा॑न॒श्चय॑माना ऋ॒णानि॑ ॥
阿底提亚们承载动与静的世界；他们是神，是一切世界的守护者。远见者，守护赐予生命者，持守天则，他们收取债务。
2.27.5
वि॒द्यामा॑दित्या॒ अव॑सो वो अ॒स्य यद॑र्यमन्भ॒य आ चि॑न्मयो॒भु ।
यु॒ष्माकं॑ मित्रावरुणा॒ प्रणी॑तौ॒ परि॒ श्वभ्रे॑व दुरि॒तानि॑ वृज्याम् ॥
啊阿底提亚们，啊阿利耶曼，愿我获得你们的护佑，即使在恐惧之中；赐予安乐者，我属于你们。啊弥陀罗-伐楼那，在你们的引导下，愿我避开罪过，如避坑穴。
2.27.6
सु॒गो हि वो॑ अर्यमन्मित्र॒ पन्था॑ अनृक्ष॒रो व॑रुण सा॒धुरस्ति॑ ।
तेना॑दित्या॒ अधि॑ वोचता नो॒ यच्छ॑ता नो दुष्परि॒हन्तु॒ शर्म॑ ॥
啊阿利耶曼，啊弥陀罗，你们的道路平坦；啊伐楼那，它无伤且善。因此，啊阿底提亚们，请为我们言说，赐予我们；为我们张开难以攻破的护佑之庇荫。
2.27.7
पिप॑र्तु नो॒ अदि॑ती॒ राज॑पु॒त्राति॒ द्वेषां॑स्यर्य॒मा सु॒गेभिः॑ ।
बृ॒हन्मि॒त्रस्य॒ वरु॑णस्य॒ शर्मोप॑ स्याम पुरु॒वीरा॒ अरि॑ष्टाः ॥
愿阿底提保护我们；愿王女阿底提引我们越过敌意；愿阿里耶曼以善助养我们。在密特拉与伐如那的大庇护之下，愿我们多有英勇之子而无所伤害。
2.27.8
ति॒स्रो भूमी॑र्धारय॒न्त्रीँरु॒त द्यून्त्रीणि॑ व्र॒ता वि॒दथे॑ अ॒न्तरे॑षाम् ।
ऋ॒तेना॑दित्या॒ महि॑ वो महि॒त्वं तद॑र्यमन्वरुण मित्र॒ चारु॑ ॥
他们支撑三个大地与三日，在他们的集会之中有三种誓约。凭借宇宙秩序，啊阿底提耶们，你们的伟大广大；那份伟大，啊阿里耶曼、伐如那、密特拉，光辉灿烂。
2.27.9
त्री रो॑च॒ना दि॒व्या धा॑रयन्त हिर॒ण्ययाः॒ शुच॑यो॒ धार॑पूताः ।
अस्व॑प्नजो अनिमि॒षा अद॑ब्धा उरु॒शंसा॑ ऋ॒जवे॒ मर्त्या॑य ॥
他们托举三个天界光明的世界，金色、明亮，经过滤器净化。不由睡眠所生，目不眨动，不被欺骗，备受赞颂，他们为正直的凡人托举这一切。
2.27.10
त्वं विश्वे॑षां वरुणासि॒ राजा॒ ये च॑ दे॒वा अ॑सुर॒ ये च॒ मर्ताः॑ ।
श॒तं नो॑ रास्व श॒रदो॑ वि॒चक्षे॑ अ॒श्यामायूं॑षि॒ सुधि॑तानि॒ पूर्वा॑ ॥
你是众神与凡人的王，啊伐如那，啊阿修罗。赐予我们百个秋天以得见；愿我们获得如古人般稳固的长寿。
2.27.11
न द॑क्षि॒णा वि चि॑किते॒ न स॒व्या न प्रा॒चीन॑मादित्या॒ नोत प॒श्चा ।
पा॒क्या॑ चिद्वसवो धी॒र्या॑ चिद्यु॒ष्मानी॑तो॒ अभ॑यं॒ ज्योति॑रश्याम् ॥
他们不从右方，也不从左方，不向东方，啊阿底提耶，也不向西方知晓。借熟食祭品，啊婆苏们，借坚定的修行，在你们引导下，愿我们获得无畏的光明。
2.27.12
यो राज॑भ्य ऋत॒निभ्यो॑ द॒दाश॒ यं व॒र्धय॑न्ति पु॒ष्टय॑श्च॒ नित्याः॑ ।
स रे॒वान्या॑ति प्रथ॒मो रथे॑न वसु॒दावा॑ वि॒दथे॑षु प्रश॒स्तः ॥
他施予那些护持宇宙秩序的国王，滋养的财富常常为他增益；他富足而居首，乘车而行，在集会中被赞为财富的施予者。
2.27.13
शुचि॑र॒पः सू॒यव॑सा॒ अद॑ब्ध॒ उप॑ क्षेति वृ॒द्धव॑याः सु॒वीरः॑ ।
नकि॒ष्टं घ्न॒न्त्यन्ति॑तो॒ न दू॒राद्य आ॑दि॒त्यानां॒ भव॑ति॒ प्रणी॑तौ ॥
清净者，拥有良好的牧场与水源，无所损伤，年寿长久，子嗣优良，居于近处；处于阿底提耶们引导之下的人，无论近处还是远方，都无人能伤害他。
2.27.14
अदि॑ते॒ मित्र॒ वरु॑णो॒त मृ॑ळ॒ यद्वो॑ व॒यं च॑कृ॒मा कच्चि॒दागः॑ ।
उ॒र्व॑श्या॒मभ॑यं॒ ज्योति॑रिन्द्र॒ मा नो॑ दी॒र्घा अ॒भि न॑श॒न्तमि॑स्राः ॥
阿底提啊，米特拉啊，伐如那啊，请垂怜吧，即便我们确实对你们有所冒犯。愿我们获得广阔无畏的光明；因陀罗啊，愿漫长黑暗的夜晚不要降临到我们身上。
2.27.15
उ॒भे अ॑स्मै पीपयतः समी॒ची दि॒वो वृ॒ष्टिं सु॒भगो॒ नाम॒ पुष्य॑न् ।
उ॒भा क्षया॑वा॒जय॑न्याति पृ॒त्सूभावर्धौ॑ भवतः सा॒धू अ॑स्मै ॥
愿二者为他降下甘霖；天空之雨他得到，蒙受福佑，使名声得以滋养。他征服两处居所，走向战斗；两方对他都成为吉祥。
2.27.16
या वो॑ मा॒या अ॑भि॒द्रुहे॑ यजत्राः॒ पाशा॑ आदित्या रि॒पवे॒ विचृ॑त्ताः ।
अ॒श्वीव॒ ताँ अति॑ येषं॒ रथे॒नारि॑ष्टा उ॒रावा शर्म॑न्त्स्याम ॥
可敬的阿底提耶们啊，愿你们向敌人施放的幻术与罗网被斩断；我如马一般驾车越过它们。愿我们在广大的庇护之中安然无恙。
2.27.17
माहं म॒घोनो॑ वरुण प्रि॒यस्य॑ भूरि॒दाव्न॒ आ वि॑दं॒ शून॑मा॒पेः ।
मा रा॒यो रा॑जन्त्सु॒यमा॒दव॑ स्थां बृ॒हद्व॑देम वि॒दथे॑ सु॒वीराः॑ ॥
伐如那啊，愿我不要得到那慷慨、可爱、极度施予者的大礼，也不要得到水的恩赐；国王啊，愿我不要远离善加管理的财富。愿我们在竞赛中说出伟大的赞颂，愿我们成为英勇的男子。