梨俱吠陀 · 赞歌 8.101
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
8.101.1
ऋध॑गि॒त्था स मर्त्यः॑ शश॒मे दे॒वता॑तये ।
यो नू॒नं मि॒त्रावरु॑णाव॒भिष्ट॑य आच॒क्रे ह॒व्यदा॑तये ॥
此刻为求保护与献上祭品而呼请弥多罗与伐楼那的凡人，因此被单独尊崇，以获得诸神的恩惠。
8.101.2
वर्षि॑ष्ठक्षत्रा उरु॒चक्ष॑सा॒ नरा॒ राजा॑ना दीर्घ॒श्रुत्त॑मा ।
ता बा॒हुता॒ न दं॒सना॑ रथर्यतः सा॒कं सूर्य॑स्य र॒श्मिभिः॑ ॥
力量最强、目光远大的两位领袖与两位君王，久享盛名，这二位与太阳的光线一同驾车，施予恩惠如同他们自己的双臂。
8.101.3
प्र यो वां॑ मित्रावरुणाजि॒रो दू॒तो अद्र॑वत् ।
अयः॑शीर्षा॒ मदे॑रघुः ॥
弥多罗与伐楼那啊，那迅捷的使者向你们二位奔去，铁头、因苏摩而欢欣的，正是阿耆尼。
8.101.4
न यः स॒म्पृच्छे॒ न पुन॒र्हवी॑तवे॒ न सं॑वा॒दाय॒ रम॑ते ।
तस्मा॑न्नो अ॒द्य समृ॑तेरुरुष्यतं बा॒हुभ्यां॑ न उरुष्यतम् ॥
请今日使我们免于那不喜探问、不喜再呼、不喜交谈之人所带来的毁灭；请以你们的双臂护佑我们。
8.101.5
प्र मि॒त्राय॒ प्रार्य॒म्णे स॑च॒थ्य॑मृतावसो ।
व॒रू॒थ्यं॑ वरु॑णे॒ छन्द्यं॒ वचः॑ स्तो॒त्रं राज॑सु गायत ॥
向弥多罗、阿利耶曼献上相伴的颂歌；富于真理（ṛta）者啊，为伐楼那在诸王之间歌唱那有韵律的言辞与颂诗。
8.101.6
ते हि॑न्विरे अरु॒णं जेन्यं॒ वसु॒ एकं॑ पु॒त्रं ति॑सॄ॒णाम् ।
ते धामा॑न्य॒मृता॒ मर्त्या॑ना॒मद॑ब्धा अ॒भि च॑क्षते ॥
他们驱动那赤红的、新生的珍宝，三者之中的一子；他们不朽而不受欺骗，注视着凡人的居所。
8.101.7
आ मे॒ वचां॒स्युद्य॑ता द्यु॒मत्त॑मानि॒ कर्त्वा॑ ।
उ॒भा या॑तं नासत्या स॒जोष॑सा॒ प्रति॑ ह॒व्यानि॑ वी॒तये॑ ॥
请接受我高举、极为光明的颂词，它们已被作成。哦，那萨提亚双神，你们二位一同前来，接受供物以享用。
8.101.8
रा॒तिं यद्वा॑मर॒क्षसं॒ हवा॑महे यु॒वाभ्यां॑ वाजिनीवसू ।
प्राचीं॒ होत्रां॑ प्रति॒रन्ता॑वितं नरा गृणा॒ना ज॒मद॑ग्निना ॥
你们二位，拥有力量与财富者，我们为无罗刹之施舍而呼唤你们。请带回东方的祭司之召唤而来；诸位英雄，与遮摩达格尼一同受赞颂而来。
8.101.9
आ नो॑ य॒ज्ञं दि॑वि॒स्पृशं॒ वायो॑ या॒हि सु॒मन्म॑भिः ।
अ॒न्तः प॒वित्र॑ उ॒परि॑ श्रीणा॒न अ॒यं शु॒क्रो अ॑यामि ते ॥
哦，风神伐由，请来到触及天空的我们的祭祀，怀着慈悯之心而来。在滤网之中与之上，这被净化的明亮苏摩正为你而倾注。
8.101.10
वेत्य॑ध्व॒र्युः प॒थिभी॒ रजि॑ष्ठैः॒ प्रति॑ ह॒व्यानि॑ वी॒तये॑ ।
अधा॑ नियुत्व उ॒भय॑स्य नः पिब॒ शुचिं॒ सोमं॒ गवा॑शिरम् ॥
祭司以最直的道路前来，为享用供物。因此，哦，车驾之主，请为我们二者饮用这掺有乳汁的清净苏摩。
8.101.11
बण्म॒हाँ अ॑सि सूर्य॒ बळा॑दित्य म॒हाँ अ॑सि ।
म॒हस्ते॑ स॒तो म॑हि॒मा प॑नस्यते अ॒द्धा दे॑व म॒हाँ अ॑सि ॥
你确实伟大，哦太阳；你确实伟大，哦阿提提亚。你伟大存在的荣光被赞颂；诚然，哦神，你是伟大的。
8.101.12
बट्सू॑र्य॒ श्रव॑सा म॒हाँ अ॑सि स॒त्रा दे॑व म॒हाँ अ॑सि ।
म॒ह्ना दे॒वाना॑मसु॒र्यः॑ पु॒रोहि॑तो वि॒भु ज्योति॒रदा॑भ्यम् ॥
你的确以声名而伟大，哦太阳；你的确伟大，哦神。凭你的伟大，你是众神的主宰和首席祭司；你是遍照、不可侵害的光明。
8.101.13
इ॒यं या नीच्य॒र्किणी॑ रू॒पा रोहि॑ण्या कृ॒ता ।
चि॒त्रेव॒ प्रत्य॑दर्श्याय॒ती अ॒न्तर्द॒शसु॑ बा॒हुषु॑ ॥
此者低而光耀，以赤色之形而成，如图画般显现而来，在十臂之中。
8.101.14
प्र॒जा ह॑ ति॒स्रो अ॒त्याय॑मीयु॒र्न्य॑न्या अ॒र्कम॒भितो॑ विविश्रे ।
बृ॒हद्ध॑ तस्थौ॒ भुव॑नेष्व॒न्तः पव॑मानो ह॒रित॒ आ वि॑वेश ॥
三者果然渡到彼岸，其余者则坐在赞歌周围。伟大者立于诸界之中；他净化着，进入了黄褐色的流水。
8.101.15
मा॒ता रु॒द्राणां॑ दुहि॒ता वसू॑नां॒ स्वसा॑दि॒त्याना॑म॒मृत॑स्य॒ नाभिः॑ ।
प्र नु वो॑चं चिकि॒तुषे॒ जना॑य॒ मा गामना॑गा॒मदि॑तिं वधिष्ट ॥
她是楼陀罗之母，婆苏之女，阿底提亚之姊妹，不死者的脐。现在我向知者说：不要伤害那不可杀害的母牛，阿低提。
8.101.16
व॒चो॒विदं॒ वाच॑मुदी॒रय॑न्तीं॒ विश्वा॑भिर्धी॒भिरु॑प॒तिष्ठ॑मानाम् ।
दे॒वीं दे॒वेभ्यः॒ पर्ये॒युषीं॒ गामा मा॑वृक्त॒ मर्त्यो॑ द॒भ्रचे॑ताः ॥
那知晓言语、发出言语、以一切祷告近立的女神，已到达诸神之处的那头母牛——愿无知的凡人不要伤害我。