梨俱吠陀 · 赞歌 1.25
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.25.1
यच्चि॒द्धि ते॒ विशो॑ यथा॒ प्र दे॑व वरुण व्र॒तम् ।
मि॒नी॒मसि॒ द्यवि॑द्यवि ॥
天神伐茹那啊，正如世人违背你的律令，我们也日复一日地违犯它。
1.25.2
मा नो॑ व॒धाय॑ ह॒त्नवे॑ जिहीळा॒नस्य॑ रीरधः ।
मा हृ॑णा॒नस्य॑ म॒न्यवे॑ ॥
莫将我们交付杀戮与毁灭，莫使我们成为你震怒的猎物，你这愤怒者啊。
1.25.3
वि मृ॑ळी॒काय॑ ते॒ मनो॑ र॒थीरश्वं॒ न संदि॑तम् ।
गी॒र्भिर्व॑रुण सीमहि ॥
伐茹那啊，为求你的慈悲，我们松开你的心意，如御者解开系住的马；我们以颂歌让你欢喜。
1.25.4
परा॒ हि मे॒ विम॑न्यवः॒ पत॑न्ति॒ वस्य॑: इष्टये ।
वयो॒ न व॑स॒तीरुप॑ ॥
我心中的愤怒念头离我而去，为求财富与欢乐，如鸟儿飞向它们的巢。
1.25.5
क॒दा क्ष॑त्र॒श्रियं॒ नर॒मा वरु॑णं करामहे ।
मृ॒ळी॒कायो॑रु॒चक्ष॑सम् ॥
何时我们能亲近伐茹那——那具王者威严、目光远大、慈悲的主宰？
1.25.6
तदित्स॑मा॒नमा॑शाते॒ वेन॑न्ता॒ न प्र यु॑च्छतः ।
धृ॒तव्र॑ताय दा॒शुषे॑ ॥
二者同证那共同的道途，奋力前行，不相分离——为那持守坚定誓愿者，为那施予者。
1.25.7
वेदा॒ यो वी॒नां प॒दम॒न्तरि॑क्षेण॒ पत॑ताम् ।
वेद॑ ना॒वः स॑मु॒द्रियः॑ ॥
知道在空中飞翔之鸟之路的人，也知道海上船只的航路。
1.25.8
वेद॑ मा॒सो धृ॒तव्र॑तो॒ द्वाद॑श प्र॒जाव॑तः ।
वेदा॒ य उ॑प॒जाय॑ते ॥
坚守誓愿的伐楼那知道带着后代的十二个月，也知道那再次降生者。
1.25.9
वेद॒ वात॑स्य वर्त॒निमु॒रोर्ऋ॒ष्वस्य॑ बृह॒तः ।
वेदा॒ ये अ॒ध्यास॑ते ॥
他知道风的行程，知道广阔、强大、浩大天空的道路，也知道居于其上的人。
1.25.10
नि ष॑साद धृ॒तव्र॑तो॒ वरु॑णः प॒स्त्या॑स्वा ।
साम्रा॑ज्याय सु॒क्रतुः॑ ॥
坚守誓愿、善于谋划的伐楼那，在众居所之间坐下，以执掌普遍的王权。
1.25.11
अतो॒ विश्वा॒न्यद्भु॑ता चिकि॒त्वाँ अ॒भि प॑श्यति ।
कृ॒तानि॒ या च॒ कर्त्वा॑ ॥
因此，知晓一切的伐楼那看见所有奇迹，既包括已作之事，也包括将作之事。
1.25.12
स नो॑ वि॒श्वाहा॑ सु॒क्रतु॑रादि॒त्यः सु॒पथा॑ करत् ।
प्र ण॒ आयूं॑षि तारिषत् ॥
愿那善谋的阿底耶始终为我们开辟善路，延长我们的寿命。
1.25.13
बिभ्र॑द्द्रा॒पिं हि॑र॒ण्ययं॒ वरु॑णो वस्त नि॒र्णिज॑म् ।
परि॒ स्पशो॒ नि षे॑दिरे ॥
伐楼那佩戴金色的绳索，披上隐秘的外袍；他的探子围坐四周。
1.25.14
न यं दिप्स॑न्ति दि॒प्सवो॒ न द्रुह्वा॑णो॒ जना॑नाम् ।
न दे॒वम॒भिमा॑तयः ॥
欲加害者不伤害他，人间的背叛者亦不伤害；敌人不能触及神。
1.25.15
उ॒त यो मानु॑षे॒~ष्वा यश॑श्च॒क्रे असा॒म्या ।
अ॒स्माक॑मु॒दरे॒ष्वा ॥
在人间成就荣耀的他，愿也在我们的身体中安置无过。
1.25.16
परा॑ मे यन्ति धी॒तयो॒ गावो॒ न गव्यू॑ती॒रनु॑ ।
इ॒च्छन्ती॑रुरु॒चक्ष॑सम् ॥
我的思绪离我而去，如牛群奔向牧场，寻求那目光远大的神。
1.25.17
सं नु वो॑चावहै॒ पुन॒र्यतो॑ मे॒ मध्वाभृ॑तम् ।
होते॑व॒ क्षद॑से प्रि॒यम् ॥
让我们二人再一起诉说，从我的甘露被带来之处；如同祭司，我呼唤所爱者赴宴。
1.25.18
दर्शं॒ नु वि॒श्वद॑र्शतं॒ दर्शं॒ रथ॒मधि॒ क्षमि॑ ।
ए॒ता जु॑षत मे॒ गिरः॑ ॥
如今我望见那为众人所见的车驾，停在它的居所；愿他接受我的这些颂歌。
1.25.19
इ॒मं मे॑ वरुण श्रुधी॒ हव॑म॒द्या च॑ मृळय ।
त्वाम॑व॒स्युरा च॑के ॥
啊，伐楼那，今日请听我的呼唤，并垂怜于我。我寻求庇护，故来到你的近前。
1.25.20
त्वं विश्व॑स्य मेधिर दि॒वश्च॒ ग्मश्च॑ राजसि ।
स याम॑नि॒ प्रति॑ श्रुधि ॥
智者啊，你是万物、天与地的君王。请在你的道路上留意并听从我们。
1.25.21
उदु॑त्त॒मं मु॑मुग्धि नो॒ वि पाशं॑ मध्य॒मं चृ॑त ।
अवा॑ध॒मानि॑ जी॒वसे॑ ॥
请解开我们身上最高的束缚，松开我们中间的罗网，并除去最下的枷锁，使我们得以存活。