奥义书 · Bṛhadāraṇyaka 4.3

हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย

带释义阅读

Bṛhadāraṇyaka 4.3.1

(ज्योतिर्ब्राह्मणम्)
जनकं ह वैदेहं याज्ञवल्क्यो जगाम ।
समेनेन वदिष्य इति ।
अथ ह यज्जनकश्च वैदेहो याज्ञवल्क्यश्चाग्निहोत्रे समूदाते ।
तस्मै ह याज्ञवल्क्यो वरं ददौ ।
स ह कामप्रश्नमेव वव्रे ।
तं हास्मै ददौ ।
तं ह सम्राडेव पूर्वः पप्रच्छ ॥ ४.३.१ ॥

光明章。耶若伏吉耶心想：“我要与他谈话”，于是前往毗提诃王遮那伽处。当毗提诃王遮那伽与耶若伏吉耶在火祭时交谈时，耶若伏吉耶赐给他一个恩惠。他只选择了一个关于欲望的问题，而这一问题便被赐予他。于是国王自己首先发问。

Bṛhadāraṇyaka 4.3.2

याज्ञवल्क्य किंज्योतिरयं पुरुष इति ।
आदित्यज्योतिः सम्राडिति होवाच ।
आदित्येनैवायं ज्योतिषास्ते पल्ययते कर्म कुरुते विपल्येतीति ।
एवमेवैतद्याज्ञवल्क्य ॥ ४.३.२ ॥

遮那伽问道：“耶若伏吉耶，这个人以何为光？”耶若伏吉耶说：“大王，太阳就是他的光。借着这太阳之光，他坐下，行走，作业，又返回。”遮那伽说：“耶若伏吉耶，确实如此。”

Bṛhadāraṇyaka 4.3.3

अस्तमित आदित्ये याज्ञवल्क्य किंज्योतिरेवायं पुरुष इति ।
चन्द्रमा एवास्य ज्योतिर्भवतीति ।
चन्द्रमसैवायं ज्योतिषास्ते पल्ययते कर्म कुरुते विपल्येतीति ।
एवमेवैतद्याज्ञवल्क्य ॥ ४.३.३ ॥

耶若伏婆迦，太阳落山之后，这个人以什么为光？月亮便成为他的光。他仅借月光而坐、行、作事、归来。耶若伏婆迦，正是如此。

Bṛhadāraṇyaka 4.3.4

अस्तमित आदित्ये याज्ञवल्क्य चन्द्रमस्यस्तमिते किंज्योतिरेवायं पुरुष इति ।
अग्निरेवास्य ज्योतिर्भवतीति ।
अग्निनैव ज्योतिषास्ते पल्ययते कर्म कुरुते विपल्येतीति ।
एवमेवैतद्याज्ञवल्क्य ॥ ४.३.४ ॥

耶若伏婆迦，太阳落山、月亮也落山之后，这个人以什么为光？火便成为他的光。他仅借火光而坐、行、作事、归来。耶若伏婆迦，正是如此。

Bṛhadāraṇyaka 4.3.5

अस्तमित आदित्ये याज्ञवल्क्य चन्द्रमस्यस्तमिते शान्तेऽग्नौ किंज्योतिरेवायं पुरुष इति ।
वागेवास्य ज्योतिर्भवतीति ।
वाचैवायं ज्योतिषास्ते पल्ययते कर्म कुरुते विपल्येति ।
तस्माद्वै सम्राडपि यत्र स्वः पाणिर्न विनिर्ज्ञायतेऽथ यत्र वागुच्चरत्युपैव तत्र न्येतीति ।
एवमेवैतद्याज्ञवल्क्य ॥ ४.३.५ ॥

耶若伏婆迦，太阳落山、月亮落山、火也熄灭之后，这个人以什么为光？语言便成为他的光。他仅借语言之光而坐、行、作事、归来。因此，君王啊，在连自己的手都看不见的地方，一旦有话语发出，人便向那里走去。耶若伏婆迦，正是如此。

Bṛhadāraṇyaka 4.3.6

अस्तमित आदित्ये याज्ञवल्क्य चन्द्रमस्यस्तमिते शान्तेऽग्नौ शान्तायां वाचि किंज्योतिरेवायं पुरुष इति ।
आत्मैवास्य ज्योतिर्भवतीति ।
आत्मनैवायं ज्योतिषास्ते पल्ययते कर्म कुरुते विपल्येतीति ॥ ४.३.६ ॥

耶若伏婆迦，太阳落山、月亮落山、火熄灭、语言止息之后，这个人以什么为光？自我（ātman）便成为他的光。他仅借自我之光而坐、行、作事、归来。

Bṛhadāraṇyaka 4.3.7

कतम आत्मेति योऽयं विज्ञानमयः प्राणेषु हृद्यन्तर्ज्योतिः पुरुषः ।
स समानः सन्नुभौ लोकावनुसंचरति ध्यायतीव लेलायतीव ।
स हि स्वप्नो भूत्वेमं लोकमतिक्रामति अद्द्. मृत्यो रूपाणि ॥ ४.३.७ ॥

“什么是我（ātman）？”就是这位由识构成的人，在诸气之中、心中的内在光明。他保持不变，往来于两个世界，仿佛在思考，仿佛在摇动。他化为梦境，超越此世界与死亡的诸般形相。

Bṛhadāraṇyaka 4.3.8

स वा अयं पुरुषो जायमानः शरीरमभिसम्पद्यमानः पाप्मभिः संसृज्यते ।
स उत्क्रामन्म्रियमाणः पाप्मनो विजहाति ॥ ४.३.८ ॥

此人出生、进入身体时，便与诸恶相连；而他死亡、离去时，便舍弃诸恶。

Bṛhadāraṇyaka 4.3.9

तस्य वा एतस्य पुरुषस्य द्वे एव स्थाने भवतः ।
इदं च परलोकस्थानं च ।
सन्ध्यं तृतीयं स्वप्नस्थानम् ।
तस्मिन्सन्ध्ये स्थाने तिष्ठनुभे स्थाने पश्यतीदं च परलोकस्थानं च ।
अथ यथाक्रमोऽयं परलोकस्थाने भवति ।
तमाक्रममाक्रम्योभयान् पाप्मन आनन्दांश्च पश्यति ।
स यत्र प्रस्वपित्यस्य लोकस्य सर्वावतो मात्रामपादाय स्वयं विहत्य स्वयं निर्माय स्वेन भासा स्वेन ज्योतिषा प्रस्वपिति ।
अत्रायं पुरुषः स्वयंज्योतिर्भवति ॥ ४.३.९ ॥

此人其实只有两种状态：此世界与彼世界的状态。第三种是中间的梦境状态。站在这中间状态中，他看见两种状态：此世界与彼世界。然后，依次，这发生在彼世界的状态中。越过那过渡之后，他看见诸恶与诸乐。在他深眠之处，取尽此世界的全部尺度，自己毁灭它，自己创造它，以自己的光、自己的明而入眠。在此，此人成为自明者。

Bṛhadāraṇyaka 4.3.10

न तत्र रथा न रथयोगा न पन्थानो भवन्ति ।
अथ रथान् रथयोगान् पथः सृजते ।
न तत्रानन्दा मुदः प्रमुदो भवन्ति ।
अथानन्दान्मुदः प्रमुदः सृजते ।
न तत्र वेशान्ताः पुष्करिण्यः स्रवन्त्यो भवन्ति ।
अथ वेशान्तान् पुष्करिणीः स्रवन्तीः सृजते ।
स हि कर्ता ॥ ४.३.१० ॥

那里没有车辆，没有驾车的马，也没有道路。那时他便造出车辆、驾车之马与道路。那里没有喜乐，没有欢悦，没有大欢悦。那时他便造出喜乐、欢悦与大欢悦。那里没有池塘，没有莲花池，没有流动的溪河。那时他便造出池塘、莲花池与流动的溪河。他确实是那创造者。

Bṛhadāraṇyaka 4.3.11

तदेते श्लोका भवन्ति
स्वप्नेन शारीरमभिप्रहत्यासुप्तः सुप्तानभिचाकशीति ।
शुक्रमादाय पुनरैति स्थानं हिरण्मयःपुरुष एकहंसः ॥ ४.३.११ ॥

关于此，有这些诗句：借梦制伏身体，不眠者观看那些入睡者。他携带光明，再次回到自己的处所——那金色的补鲁沙，唯一的天鹅。

Bṛhadāraṇyaka 4.3.12

प्राणेन रक्षन्नवरं कुलायं बहिष्कुलायादमृतश्चरित्वा ।
स ईयतेऽमृतो यत्रकामं हिरण्मयः पुरुष एकहंसः ॥ ४.३.१२ ॥

以气息守护下方的巢（身体），在巢外游行，那不死者随意所之——那不死的金色补鲁沙，唯一的天鹅。

Bṛhadāraṇyaka 4.3.13

स्वप्नान्त उच्चावचमीयमानो रूपाणि देवः कुरुते बहूनि ।
उतेव स्त्रीभिः सह मोदमानो जक्षदुतेवापि भयानि पश्यन् ॥ ४.३.१३ ॥

在梦的终结，神在高处和低处移动，创造出许多形相——仿佛与女人同乐、欢笑，又仿佛也看见了种种可怕之事。

Bṛhadāraṇyaka 4.3.14

आराममस्य पश्यन्ति न तं पश्यति कश्चनेति ।
तं नायतं बोधयेदित्याहुः ।
दुर्भिषज्यं हास्मै भवति यमेष न प्रतिपद्यते ।
अथो खल्वाहुर्जागरितदेश एवास्यैस इति ।
यानि ह्येव जाग्रत्पश्यति तानि सुप्त इति ।
अत्रायं पुरुषः स्वयंज्योतिर्भवति ।
सोऽहं भगवते सहस्रं ददामि ।
अत ऊर्ध्वं विमोक्षाय ब्रूहीति ॥ ४.३.१४ ॥

人们看见他的游戏之地，却无人看见他——如此说。人们说不应唤醒那伸展躺卧的人。对于他所不能到达的人，会有不治之病。人们确实说，他的处所只在醒觉状态中。醒时所见之物，睡眠中也以同样的方式见到。在此，这个人成为自身发光者。我将千头（牛）献给尊者；现在请为解脱而教导。

Bṛhadāraṇyaka 4.3.15

स वा एष एतस्मिन् संप्रसादे रत्वा चरित्वा दृष्ट्वैव पुण्यं च पापं च पुनः प्रतिन्यायं प्रतियोन्याद्रवति स्वप्नायैव ।
स यत्तत्र किञ्चित्पश्यत्यनन्वागतस्तेन भवति ।
असङ्गो ह्ययं पुरुष इति ।
एवमेवैतत्याज्ञवल्क्य ।
सोऽहं भगवते सहस्रं ददामि ।
अत ऊर्ध्वं विमोक्षायैव ब्रूहीति ॥ ४.३.१५ ॥

他在那深眠中嬉戏游荡，见到了功德与罪过，然后又沿着原来的路，回到出生之处，只为做梦。在那里，无论他看见什么，他都不执着，因为这个补鲁沙是无所执的（asaṅga）。耶若婆佉啊，确实如此。我奉献给尊者一千头（牛）。现在只为解脱（vimokṣa）而说吧。

Bṛhadāraṇyaka 4.3.16

स वा एष एतस्मिन् स्वप्ने रत्वा चरित्वा दृष्ट्वैव पुण्यं च पापं च पुनः प्रतिन्यायं प्रतियोन्याद्रवति बुद्धान्तायैव ।
स यत्तत्र किञ्चित्पश्यत्यनन्वागतस्तेन भवति ।
असङ्गो ह्ययं पुरुष इति ।
एवमेवैतत्याज्ञवल्क्य ।
सोऽहं भगवते सहस्रं ददामि ।
अत ऊर्ध्वं विमोक्षायैव ब्रूहीति ॥ ४.३.१६ ॥

他在那梦中嬉戏游荡，见到了功德与罪过，然后又沿着原来的路，回到出生之处，只为醒来。在那里，无论他看见什么，他都不执着，因为这个补鲁沙是无所执的（asaṅga）。耶若婆佉啊，确实如此。我奉献给尊者一千头（牛）。现在只为解脱（vimokṣa）而说吧。

Bṛhadāraṇyaka 4.3.17

स वा एष एतस्मिन् बुद्धान्ते रत्वा चरित्वा दृष्ट्वैव पुण्यं च पापं च पुनः प्रतिन्यायं प्रतियोन्याद्रवति स्वप्नान्तायैव ॥ ४.३.१७ ॥

他在那醒着的状态中嬉戏游荡，见到了功德与罪过，然后又沿着原来的路，回到出生之处，只为梦境的终结。

Bṛhadāraṇyaka 4.3.18

तद्यथा महामत्स्य उभे कूले अनुसंचरति पूर्वं चापरं च ।
एवमेवायं पुरुष एतावुभावन्तावनुसंचरति स्वप्नान्तं च बुद्धान्तं च ॥ ४.३.१८ ॥

正如一条大鱼在两岸之间，在前在后地游动，这个补鲁沙也在这两端之间游动：梦境的终结与醒觉的终结。

Bṛhadāraṇyaka 4.3.19

तद्यथास्मिन्नाकाशे श्येनो वा सुपर्णो वा विपरिपत्य श्रान्तः संहत्य पक्षौ संलयायैव ध्रियते ।
एवमेवायं पुरुष एतस्मा अन्ताय धवति ।
यत्र सुप्तो न कं चन कामं कामयते न कं चन स्वप्नं पश्यति ॥ ४.३.१९ ॥

就像鹰或金翅鸟在天空中飞翔疲倦后，收拢双翼，自然地降落到它的栖息之处，这个人也奔向那个归宿，在那里，他熟睡时既不生欲望，也不见任何梦境。

Bṛhadāraṇyaka 4.3.20

ता वा अस्यैता हिता नाम नाड्यो यथा केशः सहस्रधा भिन्नस्तावताणिम्ना तिष्ठन्ति ।
शुक्लस्य नीलस्य पिङ्गलस्य हरितस्य लोहितस्य पूर्णाः ।
अथ यत्रैनं घ्नन्तीव जिनन्तीव हस्तीव विच्छाययति गर्तमिव पतति ।
यदेव जाग्रद्भयं पश्यति तदत्राविद्यया मन्यते ।
अथ यत्र देव इव राजेवाहमेवेदं सर्वोऽस्मीति मन्यते ।
सोऽस्य परमो लोकः ॥ ४.३.२० ॥

这些名为希塔的脉管，如发丝分成千条，同样细微地立在那里；它们充满白、深蓝、褐黄、绿和红色。当他仿佛被人击打、战胜、被象踩踏、失去光彩、跌入坑中时，他在醒时所见的恐惧，因无明而在此执取。而当他像神或王一样想：“我就是这一切”，那便是他的最高世界。

Bṛhadāraṇyaka 4.3.21

तद्वा अस्यैतदतिच्छन्दोऽपहतपाप्माभयं रूपम् ।
तद्यथा प्रियया स्त्रिया संपरिष्वक्तो न बाह्यं किं चन वेद नान्तरम् ।
एवमेवायं पुरुषः प्राज्ञेनात्मना संपरिष्वक्तो न बाह्यं किं चन वेद नान्तरम् ।
तद्वा अस्यैतदाप्तकाममात्मकाममकामं रूपं शोकान्तरम् ॥ ४.३.२१ ॥

这是他超越一切韵律、无恶、无畏的形态。正如被所爱之女紧紧拥抱的人，不知外也不知内，这个人被由觉知构成的我紧紧拥抱，也不知外也不知内。这是他的形态：欲望已成，以自我为欲，无欲，超越忧伤。

Bṛhadāraṇyaka 4.3.22

अत्र पितापिता भवति मातामाता लोका अलोका देवा अदेवा वेदा अवेदाः ।
अत्र स्तेनोऽस्तेनो भवति भ्रूणहाभ्रूणहा चाण्ड्यालोऽचण्ड्यालः पौल्कसोऽपौल्कसः श्रमणोऽश्रमणस्तापसोऽतापसः ।
अनन्वागतं पुण्येनानन्वागतं पापेन ।
तीर्णो हि तदा सर्वाञ्शोकान् हृदयस्य भवति ॥ ४.३.२२ ॥

在此境界中，父不再是父，母不再是母，世界不再是世界，神不再是神，吠陀不再是吠陀。在此，盗贼不再是盗贼，杀胎者不再是杀胎者，旃陀罗不再是旃陀罗，猎人之子不再是猎人之子，沙门不再是沙门，苦行者不再是苦行者。功德不随他，罪恶也不随他；因为那时，他已超越了心中的一切忧伤。

Bṛhadāraṇyaka 4.3.23

यद्वै तन्न पश्यति पश्यन् वै तन्न पश्यति ।
न हि द्रष्टुर्दृष्टेर्विपरिलोपो विद्यतेऽविनाशित्वान् ।
न तु तद्द्वितीयमस्ति ततोऽन्यद्विभक्तं यत्पश्येत् ॥ ४.३.२३ ॥

当它什么也不见时，虽然看着，实际上并不见。见者的见从不毁灭，因为它是不灭的。然而没有与它分离的第二个事物可供它去看。

Bṛhadāraṇyaka 4.3.24

यद्वै तन्न जिघ्रति जिघ्रन् वै तन्न जिघ्रति ।
न हि घ्रातुर्घ्रातेर्विपरिलोपो विद्यतेऽविनाशित्वात् ।
न तु तद्द्वितीयमस्ति ततोऽन्यद्विभक्तं यज्जिघ्रेत् ॥ ४.३.२४ ॥

当它什么也不嗅时，虽然嗅着，实际上并不嗅。嗅者的嗅觉从不毁灭，因为它是不灭的。然而没有与它分离的第二个事物可供它去嗅。

Bṛhadāraṇyaka 4.3.25

यद्वै तन्न रसयति रसयन् वै तन्न रसयति ।
न हि रसयितू रसयतेर्विपरिलोपो विद्यतेऽविनाशित्वात् ।
न तु तद्द्वितीयमस्ति ततोऽन्यद्विभक्तं यद्रसयेत् ॥ ४.३.२५ ॥

当它什么也不尝时，虽然尝着，实际上并不尝。品尝者的味觉从不毁灭，因为它是不灭的。然而没有与它分离的第二个事物可供它去尝。

Bṛhadāraṇyaka 4.3.26

यद्वै तन्न वदति वदन् वै तन्न वदति ।
न हि वक्तुर्वक्तेर्विपरिलोपो विद्यतेऽविनाशित्वात् ।
न तु तद्द्वितीयमस्ति ततोऽन्यद्विभक्तं यद्वदेत् ॥ ४.३.२६ ॥

当它什么也不说时，虽然说着，实际上并不说。说者的言语能力从不毁灭，因为它是不灭的。然而没有与它分离的第二个事物可供它去说。

Bṛhadāraṇyaka 4.3.27

यद्वै तन्न शृणोति शृण्वन् वै तन्न शृणोति ।
न हि श्रोतुः श्रुतेर्विपरिलोपो विद्यतेऽविनाशित्वात् ।
न तु तद्द्वितीयमस्ति ततोऽन्यद्विभक्तं यच्छृणुयात् ॥ ४.३.२७ ॥

一个人所不听闻的，即使在听，实际上也并未听闻它。因为听者的听闻不会消失，因其不可毁灭（avināśitva）。然而，除此之外并没有另一个可与之分离、可被听闻的第二者。

Bṛhadāraṇyaka 4.3.28

यद्वै तन्न मनुते मन्वानो वै तन्न मनुते ।
न हि मन्तुर्मतेर्विपरिलोपो विद्यतेऽविनाशित्वात् ।
न तु तद्द्वितीयमस्ति ततोऽन्यद्विभक्तं यन्मन्वीत ॥ ४.३.२८ ॥

一个人所不思念的，即使在思念，实际上也并未思念它。因为思者的思念不会消失，因其不可毁灭（avināśitva）。然而，除此之外并没有另一个可与之分离、可被思念的第二者。

Bṛhadāraṇyaka 4.3.29

यद्वै तन्न स्पृशति स्पृशन् वै तन्न स्पृशति ।
न हि स्प्रष्टुः स्पृष्टेर्विपरिलोपो विद्यतेऽविनाशित्वात् ।
न तु तद्द्वितीयमस्ति ततोऽन्यद्विभक्तं यत्स्पृशेत् ॥ ४.३.२९ ॥

一个人所不触及的，即使在触及，实际上也并未触及它。因为触者的触及不会消失，因其不可毁灭（avināśitva）。然而，除此之外并没有另一个可与之分离、可被触及的第二者。

Bṛhadāraṇyaka 4.3.30

यद्वै तन्न विजानाति विजानन् वै तन्न विजानाति ।
न हि विज्ञातुर्विज्ञातेर्विपरिलोपो विद्यतेऽविनाशित्वात् ।
न तु तद्द्वितीयमस्ति ततोऽन्यद्विभक्तं यद्विजानीयात् ॥ ४.३.३० ॥

一个人所不知道的，即使在知道，实际上也并未知道它。因为知者的知不会消失，因其不可毁灭（avināśitva）。然而，除此之外并没有另一个可与之分离、可被知道的第二者。

Bṛhadāraṇyaka 4.3.31

यत्र वा अन्यदिव स्यात्तत्रान्योऽन्यत्पश्येदन्योऽन्यज्जिघ्रेदन्योऽन्यद्रसयेदन्योऽन्यद्वदेदन्योऽन्यच्छृणुयादन्योऽन्यन्मन्वीतान्योऽन्यत्स्पृशेदन्योऽन्यद्विजानीयात् ॥ ४.३.३१ ॥

若有如另一物存在，则此人看见另一物，嗅到另一物，尝到另一物，与另一物言说，听见另一物，思念另一物，触摸另一物，并认识另一物。

Bṛhadāraṇyaka 4.3.32

सलिल एको द्रष्टाद्वैतो भवति ।
एष ब्रह्मलोकः सम्राट् ।
इति हैनमनुशशास याज्ञवल्क्यः ।
एषास्य परमा गतिः ।
एषास्य परमा संपत् ।
एषोऽस्य परमो लोकः ।
एषोऽस्य परम आनन्दः ।
एतस्यैवानन्दस्यान्यानि भूतानि मात्रामुपजीवन्ति ॥ ४.३.३२ ॥

在水中，成为一的见者便成为不二。此即梵界，陛下。耶若婆具亚如此教导他。这是他的至高归宿，这是他的至高成就，这是他的至高世界，这是他的至高喜乐。其他众生只依靠这喜乐的一分而生存。

Bṛhadāraṇyaka 4.3.33

स यो मनूष्याणां राद्धः समृद्धो भवत्यन्येषामधिपतिः सर्वैर्मानुष्यकैर्भोगैः सम्पन्नतमः स मनुष्याणां परम आनन्दः ।
अथ ये शतं मनुष्याणामानन्दाः स एकः पितॄणां जितलोकानामानन्दः ।
अथ ये शतं पितॄणां जितलोकानामानन्दाः स एको गन्धर्वलोक आनन्दः ।
अथ ये शतं गन्धर्वलोक आनन्दाः स एकः कर्मदेवानामानन्दो ये कर्मणा देवत्वमभिसम्पद्यन्ते ।
अथ ये शतं कर्मदेवानामानन्दाः स एक आजानदेवानामानन्दः ।
यश्च श्रोत्रियोऽवृजिनोऽकामहतः ।
अथ ये शतमाजानदेवानामानन्दाः स एकः प्रजापतिलोक आनन्दः ।
यश्च श्रोत्रियोऽवृजिनोऽकामहतः ।
अथ ये शतं प्रजापतिलोक आनन्दाः स एको ब्रह्मलोक आनन्दः ।
यश्च श्रोत्रियोऽवृजिनोऽकामहतः ।
अथैष एव परम आनन्दः ।
एष ब्रह्मलोकः सम्राट् ।
इति होवाच याज्ञवल्क्यः ।
सोऽहं भगवते सहस्रं ददामि ।
अत ऊर्ध्वं विमोक्षायैव ब्रूहीति ।
अत्र ह याज्ञवल्क्यो बिभयां चकार मेधावी राजा सर्वेभ्यो मान्तेभ्य उदरौत्सीदिति ॥ ४.३.३३ ॥

凡在人间兴盛、繁荣、作众人之主、充分享有人间一切乐事者，即是人间的至上喜乐。人间的一百份喜乐，等于已征服诸界之祖灵的一份喜乐。祖灵的一百份喜乐，等于乾达婆界的一份喜乐。乾达婆界的一百份喜乐，等于因业成神的业神的一份喜乐，他们借行为而达至神性。业神的一百份喜乐，等于生而为神之天神的一份喜乐。精通吠陀、无罪、离欲者……生而为神之天神的一百份喜乐，等于生主界的一份喜乐。生主界的一百份喜乐，等于梵界的一份喜乐。此即至上喜乐。此即梵界，陛下，耶若婆具亚如是说。我将奉献尊者一千。此后，请只为解脱而言。此时耶若婆具亚感到畏惧；这位智慧的君王超越了所有的学者。