リグ・ヴェーダ · スークタ 7.104
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.104.1
इन्द्रा॑सोमा॒ तप॑तं॒ रक्ष॑ उ॒ब्जतं॒ न्य॑र्पयतं वृषणा तमो॒वृधः॑ ।
परा॑ शृणीतम॒चितो॒ न्यो॑षतं ह॒तं नु॒देथां॒ नि शि॑शीतम॒त्रिणः॑ ॥
インドラとソーマよ、羅刹を焼き、砕き、打ち倒せ。力強き者よ、闇を増す者らを倒せ。無知な者を追い払い、投げ落とし、殺し、押し返せ。鋭くなって、肉食の魔物どもを滅ぼせ。
7.104.2
इन्द्रा॑सोमा॒ सम॒घशं॑सम॒भ्य॑घं तपु॑र्ययस्तु च॒रुर॑ग्नि॒वाँ इ॑व ।
ब्र॒ह्म॒द्विषे॑ क्र॒व्यादे॑ घो॒रच॑क्षसे॒ द्वेषो॑ धत्तमनवा॒यं कि॑मी॒दिने॑ ॥
インドラとソーマよ、あの炎熱が悪口を言う者と悪に降りかかれ、火を持つ器のように。聖なる言葉の敵、肉食者、恐ろしい眼差しの者に、妨げなく止まらぬ憎しみを置け。
7.104.3
इन्द्रा॑सोमा दु॒ष्कृतो॑ व॒व्रे अ॒न्तर॑नारम्भ॒णे तम॑सि॒ प्र वि॑ध्यतम् ।
यथा॒ नातः॒ पुन॒रेक॑श्च॒नोदय॒त्तद्वा॑मस्तु॒ सह॑से मन्यु॒मच्छवः॑ ॥
インドラとソーマよ、悪事をなす者を始まりのない穴、闇の中へ打ち込め。一人も再び起き上がらぬように。汝らの怒れる力が力となれ。
7.104.4
इन्द्रा॑सोमा व॒र्तय॑तं दि॒वो व॒धं सं पृ॑थि॒व्या अ॒घशं॑साय॒ तर्ह॑णम् ।
उत्त॑क्षतं स्व॒र्यं॑ पर्व॑तेभ्यो॒ येन॒ रक्षो॑ वावृधा॒नं नि॒जूर्व॑थः ॥
インドラとソーマよ、天の打撃をめぐらせ、大地と結んで悪口を言う者に切り裂く破壊をもたらせ。山々から天の光を立ち上げよ、それによって汝ら二人は、増長した羅刹を打ち倒したのだ。
7.104.5
इन्द्रा॑सोमा व॒र्तय॑तं दि॒वस्परि॑ अग्नित॒प्तेभि॑र्यु॒वमश्म॑हन्मभिः ।
तपु॑र्वधेभिर॒जरे॑भिर॒त्रिणो॒ नि पर्शा॑ने विध्यतं॒ यन्तु॑ निस्व॒रम् ॥
インドラとソーマよ、天より振り向け。火で鍛えた、石を砕く、熱した、朽ちぬ武器で、食らう者どもを背から打て。彼らを吠えながら落ちさせよ。
7.104.6
इन्द्रा॑सोमा॒ परि॑ वां भूतु वि॒श्वत॑ इ॒यं म॒तिः क॒क्ष्याश्वे॑व वा॒जिना॑ ।
यां वां॒ होत्रां॑ परिहि॒नोमि॑ मे॒धये॒मा ब्रह्मा॑णि नृ॒पती॑व जिन्वतम् ॥
インドラとソーマよ、この思いが至る所で汝らを取り巻けよ、御座の二頭の力強き馬のように。私が心で汝らのために巻きつける呼びかけをもって、二人の人の主のように、これらの祈りを奮い立たせよ。
7.104.7
प्रति॑ स्मरेथां तु॒जय॑द्भि॒रेवै॑र्ह॒तं द्रु॒हो र॒क्षसो॑ भङ्गु॒राव॑तः ।
इन्द्रा॑सोमा दु॒ष्कृते॒ मा सु॒गं भू॒द्यो नः॑ क॒दा चि॑दभि॒दास॑ति द्रु॒हा ॥
インドラとソーマよ、二人して武器によって、欺く羅刹たち、曲げて砕く者どもを打ち倒せ。悪行者には道が易しくなりませんように、悪意をもって我らを襲う者にも。
7.104.8
यो मा॒ पाके॑न॒ मन॑सा॒ चर॑न्तमभि॒चष्टे॒ अनृ॑तेभि॒र्वचो॑भिः ।
आप॑ इव का॒शिना॒ संगृ॑भीता॒ अस॑न्न॒स्त्वास॑त इन्द्र व॒क्ता ॥
私が歩むのを見て、熟した心と偽りの言葉で見つめる者は、水のように器に縛られ、存在しなくなりますように。インドラよ、語る者もまた同様に。
7.104.9
ये पा॑कशं॒सं वि॒हर॑न्त॒ एवै॒र्ये वा॑ भ॒द्रं दू॒षय॑न्ति स्व॒धाभिः॑ ।
अह॑ये वा॒ तान्प्र॒ददा॑तु॒ सोम॒ आ वा॑ दधातु॒ निरृ॑तेरु॒पस्थे॑ ॥
呪いの言葉を唱えて徘徊する者、あるいは供物によって善を汚す者どもを、ソーマは蛇に引き渡すか、ニルリティの膝に置きますように。
7.104.10
यो नो॒ रसं॒ दिप्स॑ति पि॒त्वो अ॑ग्ने॒ यो अश्वा॑नां॒ यो गवां॒ यस्त॒नूना॑म् ।
रि॒पु स्ते॒न स्ते॑य॒कृद्द॒भ्रमे॑तु॒ नि ष ही॑यतां त॒न्वा॑ तना॑ च ॥
我らの汁を損ねようとする者、アグニよ、馬や牛や身体を奪おうとする者、敵・盗賊・盗みを働く者は、小さくなって下へ行きますように。身体においても系統においても衰えますように。
7.104.11
प॒रः सो अ॑स्तु त॒न्वा॑ तना॑ च ति॒स्रः पृ॑थि॒वीर॒धो अ॑स्तु॒ विश्वाः॑ ।
प्रति॑ शुष्यतु॒ यशो॑ अस्य देवा॒ यो नो॒ दिवा॒ दिप्स॑ति॒ यश्च॒ नक्त॑म् ॥
彼は身体においても系統においても遠く離れ、三つの大地の下、すべての下にありますように。神々よ、昼に我らを害そうとする者の名声が干からびますように、夜もまた同じく。
7.104.12
सु॒वि॒ज्ञा॒नं चि॑कि॒तुषे॒ जना॑य॒ सच्चास॑च्च॒ वच॑सी पस्पृधाते ।
तयो॒र्यत्स॒त्यं य॑त॒रदृजी॑य॒स्तदित्सोमो॑ऽवति॒ हन्त्यास॑त् ॥
知る人には善き知がある。有と非有という二つの言葉が互いに争う。その二つのうち、真実であり、より正直なものを、ソーマはまさに守り、非有を打ち倒す。
7.104.13
न वा उ॒ सोमो॑ वृजि॒नं हि॑नोति॒ न क्ष॒त्रियं॑ मिथु॒या धा॒रय॑न्तम् ।
हन्ति॒ रक्षो॒ हन्त्यास॒द्वद॑न्तमु॒भाविन्द्र॑स्य॒ प्रसि॑तौ शयाते ॥
ソーマは曲がった行為を送らず、欺きによって立つ戦士も送らない。彼は羅刹を打ち、背後から語る者をも打つ。この二者はインドラの庇護のもとに横たわる。
7.104.14
यदि॑ वा॒हमनृ॑तदेव॒ आस॒ मोघं॑ वा दे॒वाँ अ॑प्यू॒हे अ॑ग्ने ।
किम॒स्मभ्यं॑ जातवेदो हृणीषे द्रोघ॒वाच॑स्ते निरृ॒थं स॑चन्ताम् ॥
もし私が偽りの神を持つ者であったり、徒に神々を呼んだのであれば、ああアグニよ、ああジャータヴェーダスよ、なぜ汝は我らに怒るのか。欺きを語る者どもは汝の破滅に執着せよ。
7.104.15
अ॒द्या मु॑रीय॒ यदि॑ यातु॒धानो॒ अस्मि॒ यदि॒ वायु॑स्त॒तप॒ पूरु॑षस्य ।
अधा॒ स वी॒रैर्द॒शभि॒र्वि यू॑या॒ यो मा॒ मोघं॒ यातु॑धा॒नेत्याह॑ ॥
もし私が呪術師であるなら、今日私は死ぬがよい。あるいは風が人の命の息を焼いたのなら。そのとき、空しく私を「呪術師よ」と呼ぶ者は、その勇士たちとともに十倍に引き裂かれよ。
7.104.16
यो माया॑तुं॒ यातु॑धा॒नेत्याह॒ यो वा॑ र॒क्षाः शुचि॑र॒स्मीत्याह॑ ।
इन्द्र॒स्तं ह॑न्तु मह॒ता व॒धेन॒ विश्व॑स्य ज॒न्तोर॑ध॒मस्प॑दीष्ट ॥
私を「呪術師よ」と呼ぶ者、そして「私は羅刹であり、清浄である」と言う者——インドラが大いなる一撃で彼を打ちますように。彼が全ての生き物の中で最も低く倒れますように。
7.104.17
प्र या जिगा॑ति ख॒र्गले॑व॒ नक्त॒मप॑ द्रु॒हा त॒न्वं॑ गूह॑माना ।
व॒व्राँ अ॑न॒न्ताँ अव॒ सा प॑दीष्ट॒ ग्रावा॑णो घ्नन्तु र॒क्षस॑ उप॒ब्दैः ॥
夜、梟のように進み、欺きによって身を隠す彼女——彼女は曲がった者たちと無限なる者たちの中へ落ちよ。石よ、罗刹を杵で打て。
7.104.18
वि ति॑ष्ठध्वं मरुतो वि॒क्ष्वि॑च्छत॑ गृभा॒यत॑ र॒क्षसः॒ सं पि॑नष्टन ।
वयो॒ ये भू॒त्वी प॒तय॑न्ति न॒क्तभि॒र्ये वा॒ रिपो॑ दधि॒रे दे॒वे अ॑ध्व॒रे ॥
ああマルトたちよ、離れて立て、民の間を探せ、羅刹を捕らえよ、彼らを共に砕け。夜に鳥となって飛ぶ者、あるいは神と供犠に対して敵として立つ者——彼らを汝らは罰せよ。
7.104.19
प्र व॑र्तय दि॒वो अश्मा॑नमिन्द्र॒ सोम॑शितं मघव॒न्त्सं शि॑शाधि ।
प्राक्ता॒दपा॑क्तादध॒रादुद॑क्ताद॒भि ज॑हि र॒क्षसः॒ पर्व॑तेन ॥
インドラよ、天からソーマで研がれた石を投げ下ろせ。寛大なる者よ、それをよく研げ。東から、西から、下から、北から、山をもって羅刹を打て。
7.104.20
ए॒त उ॒ त्ये प॑तयन्ति॒ श्वया॑तव॒ इन्द्रं॑ दिप्सन्ति दि॒प्सवोऽदा॑भ्यम् ।
शिशी॑ते श॒क्रः पिशु॑नेभ्यो व॒धं नू॒नं सृ॑जद॒शनिं॑ यातु॒मद्भ्यः॑ ॥
これらの犬を求める者どもが襲いかかる；彼らは傷つけえぬインドラを害そうとする。帝釈は中傷者を打つために待ち伏せる；今、呪術師に雷electricを投げつける。
7.104.21
इन्द्रो॑ यातू॒नाम॑भवत्पराश॒रो ह॑वि॒र्मथी॑नाम॒भ्या॑विवा॑सताम् ।
अ॒भीदु॑ श॒क्रः प॑र॒शुर्यथा॒ वनं॒ पात्रे॑व भि॒न्दन्त्स॒त ए॑ति र॒क्षसः॑ ॥
インドラは呪術師の征服者となり、彼に近づこうとする供物搗きの者たちの助け手となった。帝釈は斧が森を伐るように進み、器を砕く者のように羅刹を切り裂く。
7.104.22
उलू॑कयातुं शुशु॒लूक॑यातुं ज॒हि श्वया॑तुमु॒त कोक॑यातुम् ।
सु॒प॒र्णया॑तुमु॒त गृध्र॑यातुं दृ॒षदे॑व॒ प्र मृ॑ण॒ रक्ष॑ इन्द्र ॥
梟を求める者、ふくろうを求める者を打て。犬を求める者、コーカ鳥を求める者も。鳥を求める者、禿鷹を求める者を石のように砕いて滅ぼせ、インドラよ。
7.104.23
मा नो॒ रक्षो॑ अ॒भि न॑ड्यातु॒माव॑ता॒मपो॑च्छतु मिथु॒ना या कि॑मी॒दिना॑ ।
पृ॒थि॒वी नः॒ पार्थि॑वात्पा॒त्वंह॑सो अ॒न्तरि॑क्षं दि॒व्यात्पा॑त्व॒स्मान् ॥
羅刹が我らに来ませんように、呪術師からも来ませんように。その一対のキミーディンを退けますように。大地が地上の罪から我らを守り、中空が天の罪から我らを守りますように。
7.104.24
इन्द्र॑ ज॒हि पुमां॑सं यातु॒धान॑मु॒त स्त्रियं॑ मा॒यया॒ शाश॑दानाम् ।
विग्री॑वासो॒ मूर॑देवा ऋदन्तु॒ मा ते दृ॑श॒न्त्सूर्य॑मु॒च्चर॑न्तम् ॥
インドラよ、男の呪術師と、幻術で苦しめる女を打て。ヴィグリーヴァとムーラデーヴァは砕かれよ；昇りゆく太陽を見ることなきように。
7.104.25
प्रति॑ चक्ष्व॒ वि च॒क्ष्वेन्द्र॑श्च सोम जागृतम् ।
रक्षो॑भ्यो व॒धम॑स्यतम॒शनिं॑ यातु॒मद्भ्यः॑ ॥
インドラとソーマよ、二人とも目覚めていよ。こちらを見よ、四方を見よ。ラークシャサや呪術者どもに、破滅と雷霆を放て。