梨俱吠陀 · 赞歌 8.44
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
8.44.1
स॒मिधा॒ग्निं दु॑वस्यत घृ॒तैर्बो॑धय॒ताति॑थिम् ।
आस्मि॑न्ह॒व्या जु॑होतन ॥
以柴薪侍奉阿耆尼，以酥油唤醒客人。在此献上祭品。
8.44.2
अग्ने॒ स्तोमं॑ जुषस्व मे॒ वर्ध॑स्वा॒नेन॒ मन्म॑ना ।
प्रति॑ सू॒क्तानि॑ हर्य नः ॥
阿耆尼啊，请接受我的赞颂，借此心念而增长。愿你喜悦于我们精妙的颂歌。
8.44.3
अ॒ग्निं दू॒तं पु॒रो द॑धे हव्य॒वाह॒मुप॑ ब्रुवे ।
दे॒वाँ आ सा॑दयादि॒ह ॥
我将阿耆尼置于前方作为使者，向那负载祭品者呼唤。愿他在此安坐诸神。
8.44.4
उत्ते॑ बृ॒हन्तो॑ अ॒र्चयः॑ समिधा॒नस्य॑ दीदिवः ।
अग्ने॑ शु॒क्रास॑ ईरते ॥
你伟大的火焰向上升起，光耀燃烧的阿耆尼啊。你明亮的火焰升腾。
8.44.5
उप॑ त्वा जु॒ह्वो॑ मम॑ घृ॒ताची॑र्यन्तु हर्यत ।
अग्ने॑ ह॒व्या जु॑षस्व नः ॥
愿我那流淌酥油的勺子奔向你。哈里雅塔啊，阿耆尼，请接受我们的祭品。
8.44.6
म॒न्द्रं होता॑रमृ॒त्विजं॑ चि॒त्रभा॑नुं वि॒भाव॑सुम् ।
अ॒ग्निमी॑ळे॒ स उ॑ श्रवत् ॥
我赞颂阿耆尼，那欢悦的祭司与献祭者，光辉斑斓，富有财宝。愿他聆听。
8.44.7
प्र॒त्नं होता॑र॒मीड्यं॒ जुष्ट॑म॒ग्निं क॒विक्र॑तुम् ।
अ॒ध्व॒राणा॑मभि॒श्रिय॑म् ॥
致古老的、呼请的祭司、值得赞颂的、受喜爱的阿耆尼，其智慧如诗人，乃祭祀之光辉。
8.44.8
जु॒षा॒णो अ॑ङ्गिरस्तमे॒मा ह॒व्यान्या॑नु॒षक् ।
अग्ने॑ य॒ज्ञं न॑य ऋतु॒था ॥
阿耆尼啊，最似安吉罗斯者，欣悦地依次接受这些供品；使祭祀依时节而行。
8.44.9
स॒मि॒धा॒न उ॑ सन्त्य॒ शुक्र॑शोच इ॒हा व॑ह ।
चि॒कि॒त्वान्दैव्यं॒ जन॑म् ॥
善者啊，光焰明亮者，燃起之后，知晓地将神圣之人带来此处。
8.44.10
विप्रं॒ होता॑रम॒द्रुहं॑ धू॒मके॑तुं वि॒भाव॑सुम् ।
य॒ज्ञानां॑ के॒तुमी॑महे ॥
我们呼请智者、呼请之祭司、无敌意者、烟旗者、光耀富饶的阿耆尼，祭祀之标识。
8.44.11
अग्ने॒ नि पा॑हि न॒स्त्वं प्रति॑ ष्म देव॒ रीष॑तः ।
भि॒न्धि द्वेषः॑ सहस्कृत ॥
阿耆尼啊，护佑我们；神啊，常使我们免于伤害者。以力量强壮者啊，击破仇恨。
8.44.12
अ॒ग्निः प्र॒त्नेन॒ मन्म॑ना॒ शुम्भा॑नस्त॒न्वं॑ स्वाम् ।
क॒विर्विप्रे॑ण वावृधे ॥
阿耆尼以古老的颂诗装饰自身，与受灵感的祭司、智者一同增长。
8.44.13
ऊ॒र्जो नपा॑त॒मा हु॑वे अ॒ग्निं पा॑व॒कशो॑चिषम् ।
अ॒स्मिन्य॒ज्ञे स्व॑ध्व॒रे ॥
我在此呼唤水之孙阿耆尼，他有纯净的火焰，在这场完美的祭祀中。
8.44.14
स नो॑ मित्रमह॒स्त्वमग्ने॑ शु॒क्रेण॑ शो॒चिषा॑ ।
दे॒वैरा स॑त्सि ब॒र्हिषि॑ ॥
最亲爱的朋友阿耆尼啊，你以明亮的火焰与诸神一起，在此神圣的草座上坐下。
8.44.15
यो अ॒ग्निं त॒न्वो॑ दमे॑ दे॒वं मर्तः॑ सप॒र्यति॑ ।
तस्मा॒ इद्दी॑दय॒द्वसु॑ ॥
在自己家中敬奉神阿耆尼的凡人，正为他使财富光耀。
8.44.16
अ॒ग्निर्मू॒र्धा दि॒वः क॒कुत्पतिः॑ पृथि॒व्या अ॒यम् ।
अ॒पां रेतां॑सि जिन्वति ॥
阿耆尼是天空之首，高居的主宰；他是大地的夫君；他激发水中的种子。
8.44.17
उद॑ग्ने॒ शुच॑य॒स्तव॑ शु॒क्रा भ्राज॑न्त ईरते ।
तव॒ ज्योतीं॑ष्य॒र्चयः॑ ॥
阿耆尼啊，你纯净明亮的火焰升起，你闪耀的光芒与焰舌向四方展开。
8.44.18
ईशि॑षे॒ वार्य॑स्य॒ हि दा॒त्रस्या॑ग्ने॒ स्व॑र्पतिः ।
स्तो॒ता स्यां॒ तव॒ शर्म॑णि ॥
你主宰财富之施予，阿耆尼啊，你是天界的主；愿我在你的庇护之下成为赞颂者。
8.44.19
त्वाम॑ग्ने मनी॒षिणः॒ त्वां हि॑न्वन्ति॒ चित्ति॑भिः ।
त्वां व॑र्धन्तु नो॒ गिरः॑ ॥
阿耆尼啊，有智慧的诗人以其慧心激励你；愿我们的颂歌使你增长。
8.44.20
अद॑ब्धस्य स्व॒धाव॑तो दू॒तस्य॒ रेभ॑तः॒ सदा॑ ।
अ॒ग्नेः स॒ख्यं वृ॑णीमहे ॥
我们选择阿耆尼的友谊，他不可损坏，自有其力，是常常咆哮的使者。
8.44.21
अ॒ग्निः शुचि॑व्रततमः॒ शुचि॒र्विप्रः॒ शुचिः॑ क॒विः ।
शुची॑ रोचत॒ आहु॑तः ॥
阿耆尼在誓愿中最为纯净，是纯净的启示祭司、纯净的先知；以供品被召请时，他纯净地闪耀。
8.44.22
उ॒त त्वा॑ धी॒तयो॒ मम॒ गिरो॑ वर्धन्तु वि॒श्वहा॑ ।
अग्ने॑ स॒ख्यस्य॑ बोधि नः ॥
愿我的思想与颂歌常使你增长。阿耆尼啊，让我们知晓你的友谊。
8.44.23
यद॑ग्ने॒ स्याम॒हं त्वं त्वं वा॑ घा॒ स्या अ॒हम् ।
स्युष्टे॑ स॒त्या इ॒हाशिषः॑ ॥
阿耆尼啊，若我属于你，或你属于我，或我真的成为你，愿你在此的愿望成真。
8.44.24
वसु॒र्वसु॑पति॒र्हि क॒मस्य॑ग्ने वि॒भाव॑सुः ।
स्याम॑ ते सुम॒तावपि॑ ॥
你是财富，实为财富之主；阿耆尼啊，你是以财富闪耀的毗跋娑，愿我们处于你的善意之中。
8.44.25
अग्ने॑ धृ॒तव्र॑ताय ते समु॒द्राये॑व॒ सिन्ध॑वः ।
गिरो॑ वा॒श्रास॑ ईरते ॥
阿耆尼啊，如诸河流向大海，赞歌也向你涌来，你是誓愿坚定者。
8.44.26
युवा॑नं वि॒श्पतिं॑ क॒विं वि॒श्वादं॑ पुरु॒वेप॑सम् ।
अ॒ग्निं शु॑म्भामि॒ मन्म॑भिः ॥
我以颂诗庄严阿耆尼：他是年轻的族主，智慧的先知，吞食一切，形态多样。
8.44.27
य॒ज्ञानां॑ र॒थ्ये॑ व॒यं ति॒ग्मज॑म्भाय वी॒ळवे॑ ।
स्तोमै॑रिषेमा॒ग्नये॑ ॥
为那祭祀的御者，利齿锐利而迅捷者，愿我们以赞颂激励阿耆尼。
8.44.28
अ॒यम॑ग्ने॒ त्वे अपि॑ जरि॒ता भू॑तु सन्त्य ।
तस्मै॑ पावक मृळय ॥
阿耆尼啊，愿这位歌者也在你面前赞颂你。净化者啊，请对他施以慈悲。
8.44.29
धीरो॒ ह्यस्य॑द्म॒सद्विप्रो॒ न जागृ॑विः॒ सदा॑ ।
अग्ने॑ दी॒दय॑सि॒ द्यवि॑ ॥
你坚定而智慧，居于家中，如先知般时刻警醒。阿耆尼啊，你在天上光耀。
8.44.30
पु॒राग्ने॑ दुरि॒तेभ्यः॑ पु॒रा मृ॒ध्रेभ्यः॑ कवे ।
प्र ण॒ आयु॑र्वसो तिर ॥
阿耆尼啊，先知啊，在灾祸和敌人之前，婆苏啊，请引领我们的寿命度过。