バガヴァッド・ギーター · 章 7
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.1
मय्यासक्तमनाः पार्थ योगं युञ्जन्मदाश्रयः ।
असंशयं समग्रं मां यथा ज्ञास्यसि तच्छृणु ॥ ७.१ ॥
聖なる神は言った。パールタよ、心を私に結びつけ、私に依拠してヨーガを修めつつ、疑いなく完全に私を知るにはどうすればよいか、それを聞け。
7.2
ज्ञानं तेऽहं सविज्ञानमिदं वक्ष्याम्यशेषतः ।
यज्ज्ञात्वा नेह भूयोऽन्यज्ज्ञातव्यमवशिष्यते ॥ ७.२ ॥
私はこの知識を、その体得とともに余すところなくあなたに語ろう。それを知れば、この世でさらに知るべきものは何も残らない。
7.3
मनुष्याणां सहस्रेषु कश्चिद्यतति सिद्धये ।
यततामपि सिद्धानां कश्चिन्मां वेत्ति तत्त्वतः ॥ ७.३ ॥
幾千の人々のうち、完成を目指して努める者はわずか一人。努めて完成した者たちのうちでも、真実に私を知る者はわずか一人である。
7.4
भूमिरापोऽनलो वायुः खं मनो बुद्धिरेव च ।
अहङ्कार इतीयं मे भिन्ना प्रकृतिरष्टधा ॥ ७.४ ॥
地、水、火、風、空、意、知性、そして我執――これが八つに分かれた私のプラクリティである。
7.5
अपरेयमितस्त्वन्यां प्रकृतिं विद्धि मे पराम् ।
जीवभूतां महाबाहो ययेदं धार्यते जगत् ॥ ७.५ ॥
これは私の低いプラクリティである。だが大いなる腕の者よ、それとは別の、生命となった私の高いプラクリティを知れ。それによってこの世界は支えられている。
7.6
एतद्योनीनि भूतानि सर्वाणीत्युपधारय ।
अहं कृत्स्नस्य जगतः प्रभवः प्रलयस्तथा ॥ ७.६ ॥
すべての生き物はこの二つを源とすることを悟れ。私は全世界の起源であり、またその消滅である。
7.7
मत्तः परतरं नान्यत्किञ्चिदस्ति धनञ्जय ।
मयि सर्वमिदं प्रोतं सूत्रे मणिगणा इव ॥ ७.७ ॥
ダナンジャヤよ、わたしより高いものは何一つない。この一切は、糸に連なる宝珠のように、わたしに貫かれている。
7.8
रसोऽहमप्सु कौन्तेय प्रभास्मि शशिसूर्ययोः ।
प्रणवः सर्ववेदेषु शब्दः खे पौरुषं नृषु ॥ ७.८ ॥
カウンテーヤよ、わたしは水の味であり、月と太陽の光である。わたしはすべてのヴェーダにおける聖音オーム、虚空における音、人々における男らしさである。
7.9
पुण्यो गन्धः पृथिव्यां च तेजश्चास्मि विभावसौ ।
जीवनं सर्वभूतेषु तपश्चास्मि तपस्विषु ॥ ७.९ ॥
わたしは大地の清らかな香りであり、火の輝きである。わたしは一切の生き物の生命であり、苦行者における苦行である。
7.10
बीजं मां सर्वभूतानां विद्धि पार्थ सनातनम् ।
बुद्धिर्बुद्धिमतामस्मि तेजस्तेजस्विनामहम् ॥ ७.१० ॥
パールタよ、わたしを一切の生き物の永遠の種子と知れ。わたしは知者の知性であり、輝ける者の輝きである。
7.11
बलं बलवतां चाहं कामरागविवर्जितम् ।
धर्माविरुद्धो भूतेषु कामोऽस्मि भरतर्षभ ॥ ७.११ ॥
バラタ族の最も優れた者よ、わたしは強者における、欲望と愛着を離れた力である。また生き物のうちにある、ダルマに背かない欲望である。
7.12
ये चैव सात्त्विका भावा राजसास्तामसाश्च ये ।
मत्त एवेति तान्विद्धि नत्वहं तेषु ते मयि ॥ ७.१२ ॥
サットヴァ的、ラジャス的、タマス的な状態はどれも、わたしのみから生じると知れ。だがわたしはそれらの中にはなく、それらがわたしの中にある。
7.13
त्रिभिर्गुणमयैर्भावैरेभिः सर्वमिदं जगत् ।
मोहितं नाभिजानाति मामेभ्यः परमव्ययम् ॥ ७.१३ ॥
三つのグナから成るこれらの状態に惑わされて、この世界のすべては、それらを超えた不滅の私を知らない。
7.14
दैवी ह्येषा गुणमयी मम माया दुरत्यया ।
मामेव ये प्रपद्यन्ते मायामेतां तरन्ति ते ॥ ७.१४ ॥
グナから成るこの私の神的なマーヤーは越え難い。ただ私にのみ帰依する者たちは、このマーヤーを越える。
7.15
न मां दुष्कृतिनो मूढाः प्रपद्यन्ते नराधमाः ।
माययापहृतज्ञाना आसुरं भावमाश्रिताः ॥ ७.१५ ॥
悪をなす者、愚かな者、人間の中の最も卑しい者、マーヤーに知恵を奪われ、アスラ的な性質に依る者たちは、私に帰依しない。
7.16
चतुर्विधा भजन्ते मां जनाः सुकृतिनोऽर्जुन ।
आर्तो जिज्ञासुरर्थार्थी ज्ञानी च भरतर्षभ ॥ ७.१६ ॥
アルジュナよ、四種の善き人々が私を崇める。苦しむ者、知を求める者、利益を求める者、そして智者である、バラタ族の最上の者よ。
7.17
तेषां ज्ञानी नित्ययुक्त एकभक्तिर्विशिष्यते ।
प्रियो हि ज्ञानिनोऽत्यर्थमहं स च मम प्रियः ॥ ७.१७ ॥
その中で、常に結ばれ、ひたすらな信愛を持つ智者が最も優れている。智者にとって私はこの上なく愛しく、彼もまた私にとって愛しい。
7.18
उदाराः सर्व एवैते ज्ञानी त्वात्मैव मे मतम् ।
आस्थितः स हि युक्तात्मा मामेवानुत्तमां गतिम् ॥ ७.१८ ॥
これらの者は皆高貴であるが、智者は私自身そのものであると私は考える。心が結ばれた彼は、無上の目標である私にのみ安住しているからである。
7.19
बहूनां जन्मनामन्ते ज्ञानवान्मां प्रपद्यते ।
वासुदेवः सर्वमिति स महात्मा सुदुर्लभः ॥ ७.१९ ॥
多くの生の終わりに、知恵ある者は「ヴァースデーヴァこそすべてである」と知って私に帰依する。そのような偉大な魂はきわめて得がたい。
7.20
कामैस्तैस्तैर्हृतज्ञानाः प्रपद्यन्तेऽन्यदेवताः ।
तं तं नियममास्थाय प्रकृत्या नियताः स्वया ॥ ७.२० ॥
さまざまな欲望によって知恵を奪われた者たちは、自らの本性に縛られ、それぞれの規律に従って他の神々に帰依する。
7.21
यो यो यां यां तनुं भक्तः श्रद्धयार्चितुमिच्छति ।
तस्य तस्याचलां श्रद्धां तामेव विदधाम्यहम् ॥ ७.२१ ॥
いかなる信者がいかなる姿を信をもって礼拝しようと望んでも、私はその者のまさにその信を揺るぎないものにする。
7.22
स तया श्रद्धया युक्तस्तस्याराधनमीहते ।
लभते च ततः कामान्मयैव विहितान् हि तान् ॥ ७.२२ ॥
その信を備えた者はその姿の礼拝に励み、そこから望むものを得る。だがそれらは実のところ、ただ私によって授けられたものである。
7.23
अन्तवत्तु फलं तेषां तद्भवत्यल्पमेधसाम् ।
देवान्देवयजो यान्ति मद्भक्ता यान्ति मामपि ॥ ७.२३ ॥
しかし、その浅はかな者たちの得る果報は有限である。神々を祀る者は神々のもとへ行き、私の信者は私のもとへ来る。
7.24
अव्यक्तं व्यक्तिमापन्नं मन्यन्ते मामबुद्धयः ।
परं भावमजानन्तो ममाव्ययमनुत्तमम् ॥ ७.२४ ॥
愚かな者たちは、不滅にして無上なる私の至高の本性を知らず、未顕現の私が顕現したものと考える。
7.25
नाहं प्रकाशः सर्वस्य योगमायासमावृतः ।
मूढोऽयं नाभिजानाति लोको मामजमव्ययम् ॥ ७.२५ ॥
ヨーガ・マーヤーに覆われた私は、すべての者に顕れるわけではない。この迷える世界は、不生にして不滅なる私を知らない。
7.26
वेदाहं समतीतानि वर्तमानानि चार्जुन ।
भविष्याणि च भूतानि मां तु वेद न कश्चन ॥ ७.२६ ॥
アルジュナよ、私は過去の、現在の、そして未来の生き物たちを知っている。しかし私を知る者は誰もいない。
7.27
इच्छाद्वेषसमुत्थेन द्वन्द्वमोहेन भारत ।
सर्वभूतानि संमोहं सर्गे यान्ति परन्तप ॥ ७.२७ ॥
バーラタよ、パランタパよ、欲求と嫌悪から生じる相対の迷妄によって、すべての生き物は生まれるときに惑いに陥る。
7.28
येषां त्वन्तगतं पापं जनानां पुण्यकर्मणाम् ।
ते द्वन्द्वमोहनिर्मुक्ता भजन्ते मां दृढव्रताः ॥ ७.२८ ॥
しかし善き行いをなし、罪が尽きた人々は、相対の迷妄から解き放たれ、堅い誓いをもって私を崇める。
7.29
जरामरणमोक्षाय मामाश्रित्य यतन्ति ये ।
ते ब्रह्म तद्विदुः कृत्स्नमध्यात्मं कर्म चाखिलम् ॥ ७.२९ ॥
私に帰依し、老いと死からの解脱を求めて努める者たちは、かのブラフマンを、アディアートマのすべてを、そしてカルマのすべてを知る。
7.30
साधिभूताधिदैवं मां साधियज्ञं च ये विदुः ।
प्रयाणकालेऽपि च मां ते विदुर्युक्तचेतसः ॥ ७.३० ॥
アディブータ、アディダイヴァ、アディヤジュニャとともに私を知る者は、心を統一して、旅立ちの時にも私を知る。