薄伽梵歌 · 章 4
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.1
इमं विवस्वते योगं प्रोक्तवानहमव्ययम् ।
विवस्वान् मनवे प्राह मनुरिक्ष्वाकवेऽब्रवीत् ॥ ४.१ ॥
薄伽梵说：我曾将这不朽的瑜伽传授给维瓦斯万；维瓦斯万传给了摩奴，摩奴又传给了伊克什瓦库。
4.2
एवं परम्पराप्राप्तमिमं राजर्षयो विदुः ।
स कालेनेह महता योगो नष्टः परन्तप ॥ ४.२ ॥
克敌者啊，如此代代相传，王仙们知晓了它。然而经过漫长的岁月，这瑜伽在世间失传了。
4.3
स एवायं मया तेऽद्य योगः प्रोक्तः पुरातनः ।
भक्तोऽसि मे सखा चेति रहस्यं ह्येतदुत्तमम् ॥ ४.३ ॥
今天我向你宣说的正是这古老的瑜伽，因为你是我的奉爱者和朋友；这实在是至高的奥秘。
4.4
अपरं भवतो जन्म परं जन्म विवस्वतः ।
कथमेतद्विजानीयां त्वमादौ प्रोक्तवानिति ॥ ४.४ ॥
阿周那说：你的出生在后，维瓦斯万的出生在前。我怎能理解是你在太初宣说了它呢？
4.5
बहूनि मे व्यतीतानि जन्मानि तव चार्जुन ।
तान्यहं वेद सर्वाणि न त्वं वेत्थ परन्तप ॥ ४.५ ॥
薄伽梵说：阿周那啊，我和你都已经历了许多次出生。克敌者啊，我知道它们全部，而你却不知道。
4.6
अजोऽपि सन्नव्ययात्मा भूतानामीश्वरोऽपि सन् ।
प्रकृतिं स्वामधिष्ठाय संभवाम्यात्ममायया ॥ ४.६ ॥
我虽无生，自性不灭，虽是众生之主，却驾驭我自己的本性，凭借我自身的摩耶而显现。
4.7
यदा यदा हि धर्मस्य ग्लानिर्भवति भारत ।
अभ्युत्थानमधर्मस्य तदाऽऽत्मानं सृजाम्यहम् ॥ ४.७ ॥
婆罗多啊，每当正法衰微、非法兴起之时，我便显现自身。
4.8
परित्राणाय साधूनां विनाशाय च दुष्कृताम् ।
धर्मसंस्थापनार्थाय संभवामि युगे युगे ॥ ४.८ ॥
为了保护善人，消灭恶人，确立正法，我在各个时代降生。
4.9
जन्म कर्म च मे दिव्यमेवं यो वेत्ति तत्त्वतः ।
त्यक्त्वा देहं पुनर्जन्म नैति मामेति सोऽर्जुन ॥ ४.९ ॥
阿周那啊，谁真正如此了知我神圣的出生与行动，舍弃身体后便不再投生，而是来到我这里。
4.10
वीतरागभयक्रोधा मन्मया मामुपाश्रिताः ।
बहवो ज्ञानतपसा पूता मद्भावमागताः ॥ ४.१० ॥
许多人摆脱了贪恋、恐惧和愤怒，专注于我，皈依于我，经由知识的苦行而得净化，已达到我的境界。
4.11
ये यथा मां प्रपद्यन्ते तांस्तथैव भजाम्यहम् ।
मम वर्त्मानुवर्तन्ते मनुष्याः पार्थ सर्वशः ॥ ४.११ ॥
普利塔之子啊，人们以何种方式皈依我，我便以同样的方式接纳他们。人们在各方面都遵循我的道路。
4.12
काङ्क्षन्तः कर्मणां सिद्धिं यजन्त इह देवताः ।
क्षिप्रं हि मानुषे लोके सिद्धिर्भवति कर्मजा ॥ ४.१२ ॥
渴望行动成功的人在此世祭拜诸神，因为在人间，由行动而生的成就来得迅速。
4.13
चातुर्वर्ण्यं मया सृष्टं गुणकर्मविभागशः ।
तस्य कर्तारमपि मां विद्ध्यकर्तारमव्ययम् ॥ ४.१३ ॥
四种种姓的秩序是我依照德性与行动的区分而创造的。虽然我是它的创造者，你要知道我是不作为者，永恒不灭。
4.14
न मां कर्माणि लिम्पन्ति न मे कर्मफले स्पृहा ।
इति मां योऽभिजानाति कर्मभिर्न स बध्यते ॥ ४.१४ ॥
行动不会沾染我，我也不贪求行动的果报。如此了知我的人，不会被行动所束缚。
4.15
एवं ज्ञात्वा कृतं कर्म पूर्वैरपि मुमुक्षुभिः ।
कुरु कर्मैव तस्मात्त्वं पूर्वैः पूर्वतरं कृतम् ॥ ४.१५ ॥
了知这一点，古代求解脱的人也都从事行动。所以你也应当行动，正如古人在往昔所做的那样。
4.16
किं कर्म किमकर्मेति कवयोऽप्यत्र मोहिताः ।
तत्ते कर्म प्रवक्ष्यामि यज्ज्ञात्वा मोक्ष्यसेऽशुभात् ॥ ४.१६ ॥
何为行动，何为无为？在这一点上，连智者也感到迷惑。我将为你讲解行动，知道了它，你就能从不祥中解脱。
4.17
कर्मणो ह्यपि बोद्धव्यं बोद्धव्यं च विकर्मणः ।
अकर्मणश्च बोद्धव्यं गहना कर्मणो गतिः ॥ ४.१७ ॥
应当了解行动，应当了解错误的行动，也应当了解无为；因为行动之道深奥难测。
4.18
कर्मण्यकर्म यः पश्येदकर्मणि च कर्म यः ।
स बुद्धिमान् मनुष्येषु स युक्तः कृत्स्नकर्मकृत् ॥ ४.१८ ॥
能在行动中看到无为、在无为中看到行动的人，是人中的智者；他安住于瑜伽，成就一切行动。
4.19
यस्य सर्वे समारम्भाः कामसङ्कल्पवर्जिताः ।
ज्ञानाग्निदग्धकर्माणं तमाहुः पण्डितं बुधाः ॥ ४.१९ ॥
凡一切作为都离于欲望与私念、其行为已被智慧之火焚尽的人，智者称他为博学之士。
4.20
त्यक्त्वा कर्मफलासङ्गं नित्यतृप्तो निराश्रयः ।
कर्मण्यभिप्रवृत्तोऽपि नैव किञ्चित्करोति सः ॥ ४.२० ॥
舍弃对行为果报的执着，常自满足、无所依赖，这样的人即使全然投入行动，实际上也一无所作。
4.21
निराशीर्यतचित्तात्मा त्यक्तसर्वपरिग्रहः ।
शारीरं केवलं कर्म कुर्वन्नाप्नोति किल्बिषम् ॥ ४.२१ ॥
无所希求，心与自我皆受调伏，舍弃一切占有，只以身体行事，这样的人不会招致罪过。
4.22
यदृच्छालाभसन्तुष्टो द्वन्द्वातीतो विमत्सरः ।
समः सिद्धावसिद्धौ च कृत्वापि न निबध्यते ॥ ४.२२ ॥
满足于自然而得之物，超越二元对立，没有嫉妒，在成功与失败中保持平等，这样的人即使行动也不受束缚。
4.23
गतसङ्गस्य मुक्तस्य ज्ञानावस्थितचेतसः ।
यज्ञायाचरतः कर्म समग्रं प्रविलीयते ॥ ४.२३ ॥
执着已去、已得解脱、心安住于智慧、为祭祀而行动的人，其一切行为都完全消融。
4.24
ब्रह्मार्पणं ब्रह्महविर्ब्रह्माग्नौ ब्रह्मणा हुतम् ।
ब्रह्मैव तेन गन्तव्यं ब्रह्मकर्मसमाधिना ॥ ४.२४ ॥
献供是梵，祭品是梵，由梵注入梵之火中；在行动中专注于梵的人，所要到达的唯有梵。
4.25
दैवमेवापरे यज्ञं योगिनः पर्युपासते ।
ब्रह्माग्नावपरे यज्ञं यज्ञेनैवोपजुह्वति ॥ ४.२५ ॥
有些瑜伽士只奉行献给诸神的祭祀；另一些人则以祭祀本身将祭祀献入梵之火中。
4.26
श्रोत्रादीनीन्द्रियाण्यन्ये संयमाग्निषु जुह्वति ।
शब्दादीन्विषयानन्य इन्द्रियाग्निषु जुह्वति ॥ ४.२६ ॥
有些人把听觉等感官献入克制之火中；另一些人把声音等感官对象献入感官之火中。
4.27
सर्वाणीन्द्रियकर्माणि प्राणकर्माणि चापरे ।
आत्मसंयमयोगाग्नौ जुह्वति ज्ञानदीपिते ॥ ४.२७ ॥
另一些人把一切感官的活动和生命气息的活动，献入由智慧点燃的自我克制瑜伽之火中。
4.28
द्रव्ययज्ञास्तपोयज्ञा योगयज्ञास्तथापरे ।
स्वाध्यायज्ञानयज्ञाश्च यतयः संशितव्रताः ॥ ४.२८ ॥
有些人以财物为祭，有些人以苦行为祭，另一些人以瑜伽为祭；而持守严格誓愿的修行者则以诵习经典和智慧为祭。
4.29
अपाने जुह्वति प्राण प्राणेऽपानं तथाऽपरे ।
प्राणापानगती रुद्ध्वा प्राणायामपरायणाः ॥ ४.२९ ॥
同样，另一些专注于调息的人，止住命气与下气的运行，把命气献入下气，把下气献入命气。
4.30
अपरे नियताहाराः प्राणान्प्राणेषु जुह्वति ।
सर्वेऽप्येते यज्ञविदो यज्ञक्षपितकल्मषाः ॥ ४.३० ॥
另一些人节制饮食，把生命之气献入生命之气中。所有这些人都懂得祭祀，他们的罪垢已因祭祀而消除。
4.31
यज्ञशिष्टामृतभुजो यान्ति ब्रह्म सनातनम् ।
नायं लोकोऽस्त्ययज्ञस्य कुतो़ऽन्यः कुरुसत्तम ॥ ४.३१ ॥
俱卢族的俊杰啊，享用祭祀余下甘露的人达到永恒的梵。不行祭祀的人连此世都没有，何况他世？
4.32
एवं बहुविधा यज्ञा वितता ब्रह्मणो मुखे ।
कर्मजान्विद्धि तान्सर्वानेवं ज्ञात्वा विमोक्ष्यसे ॥ ४.३२ ॥
如是，种种祭祀铺陈于梵的口中。要知道它们都生于行动；如此了知，你将得解脱。
4.33
श्रेयान्द्रव्यमयाद्यज्ञाज्ज्ञानयज्ञः परन्तप ।
सर्वं कर्माखिलं पार्थ ज्ञाने परिसमाप्यते ॥ ४.३३ ॥
克敌者啊，知识之祭胜于物质之祭。普利塔之子啊，一切行动无一例外，都圆满于知识之中。
4.34
तद्विद्धि प्रणिपातेन परिप्रश्नेन सेवया ।
उपदेक्ष्यन्ति ते ज्ञानं ज्ञानिनस्तत्त्वदर्शिनः ॥ ४.३४ ॥
要以顶礼、请问和侍奉去了知它。见到真理的智者将向你传授知识。
4.35
यज्ज्ञात्वा न पुनर्मोहमेवं यास्यसि पाण्डव ।
येन भूतान्यशेषेण द्रक्ष्यस्यात्मन्यथो मयि ॥ ४.३५ ॥
般度之子啊，了知了它，你就不会再这样陷入迷惑；藉着它，你将无余地看见一切众生在自我之中，继而在我之中。
4.36
अपि चेदसि पापेभ्यः सर्वेभ्यः पापकृत्तमः ।
सर्वं ज्ञानप्लवेनैव वृजिनं सन्तरिष्यसि ॥ ४.३६ ॥
即使你是一切罪人中罪孽最深重的，你也只凭知识之筏便能渡过一切罪恶。
4.37
यथैधांसि समिद्धोऽग्निर्भस्मसात्कुरुतेऽर्जुन ।
ज्ञानाग्निः सर्वकर्माणि भस्मसात्कुरुते तथा ॥ ४.३७ ॥
阿周那啊，正如熊熊烈火将柴薪化为灰烬，知识之火也将一切行动化为灰烬。
4.38
न हि ज्ञानेन सदृशं पवित्रमिह विद्यते ।
तत्स्वयं योगसंसिद्धः कालेनात्मनि विन्दति ॥ ४.३८ ॥
在这世间，确实没有什么能像知识一样净化人。在瑜伽中圆满的人，到时自会在自己内心中获得它。
4.39
श्रद्धावाँल्लभते ज्ञानं तत्परः संयतेन्द्रियः ।
ज्ञानं लब्ध्वा परां शान्तिमचिरेणाधिगच्छति ॥ ४.३९ ॥
有信心、专注于此、制伏感官的人获得知识；获得知识后，他很快便达到至高的平静。
4.40
अज्ञश्चाश्रद्दधानश्च संशयात्मा विनश्यति ।
नायं लोकोऽस्ति न परो न सुखं संशयात्मनः ॥ ४.४० ॥
无知的人、无信心的人和心怀疑惑的人终将毁灭。对于怀疑者，既没有此世，也没有彼世，也没有快乐。
4.41
योगसंन्यस्तकर्माणं ज्ञानसंछिन्नसंशयम् ।
आत्मवन्तं न कर्माणि निबध्नन्ति धनञ्जय ॥ ४.४१ ॥
胜财啊，通过瑜伽舍弃了行动、以知识斩断了疑惑、能自持的人，不受行动的束缚。
4.42
तस्मादज्ञानसंभूतं हृत्स्थं ज्ञानासिनाऽऽत्मनः ।
छित्त्वैनं संशयं योगमातिष्ठोत्तिष्ठ भारत ॥ ४.४२ ॥
所以，婆罗多啊，用知识之剑斩断你心中这由无知所生的疑惑，安住于瑜伽吧。起来！